Sot emol
Maggy Molitor: "Ech hu gemaach, wat ech wollt maachen"
57 min
Viru Kuerzem hunn d'Makadammen der Bün Äddi gesot. D'Makadammen waren e Cabaretsensembel mat fënnef Fraen, déi zwee Joerzéngte laang mat vill Freed op de Lëtzebuerger Bünen ënnerwee waren. D'Maggy Molitor ass oder war eng vun de Makadammen, déi nieft hirer Bünenaktivitéit och 30 Joer laang Reliounsenseignante war. Mee Maggy Molitor war och jorelaang e Member vum Ensembel vun der Lëtzebuerger Theater a stoung bei esou munch Revue mat op der Bün.
D'Gesiicht vum Hei Elei Kuck Elei
Interessant ass awer och nach eng aner Säit vun der Maggy Molitor, nämlech huet si zu enger Spezies gehéiert, déi et haut ewell laang net méi gëtt. Si war Televisiounspresentatrice an zéng Joer laang mat d'Gesiicht vum Hei Elei Kucke Elei. D'Missioun war et de Public duerch d'Emissioun ze begleeden an ëmmer ze annoncéieren, wat als nächst kënnt, Presentatricen hunn déi Zäit zur Televisioun gehéiert, egal op dat elo an Däitschland, oder a Frankräich war. Eng Roll, déi awer no an no verschwonnen ass, an d'Maggy Molitor war och déi lescht Presentatrice am Lëtzebuerger Programm.
Den Hei Elei war déi Zäit Kult, et huet een den Hei Elei sonndes musse gekuckt hunn, fir mat ze schwätzen, an dat war ebe beim Maggy Molitor doheem net anescht. Si gouf du gewuer, datt d'Tëlee eng nei Presentatrice sicht, an well d'Maggy Molitor vum Wiesen hier virwëtzeg war a gär nei Saache probéiert huet, duecht si sech: "Ma dat wär eppes fir dech." An enges Daags huet si all hire Mutt zesummegeholl, si war eleng doheem an huet bei d'Tëlee ugeruff:
"An dunn hat ech awer esou den Dadderer, do hunn ech mech net richteg getraut. A mir haten an eiser Bar esou Whisky stoen, wa Besuch kënnt. Do sinn ech mer e klenge Whisky siche gaangen, do hunn ech dee gedronk, an do hunn ech den Telefon geholl a bei RTL ugeruff. An ech sot, ech hunn héieren, datt der eng nei Presentatrice sicht, an do hunn ech erwaart, se géife soen: Nee, den Ament net, oder d'Plaz ass fort. Mä amplaz soten se: Een Ament, ech ginn Iech den Här Octave."
Wat natierlech deen Ament e Schock war fir d'Maggy Molitor, well si duecht de Jean Octave wier onerreechbar.
"An do hunn ech nach emol en décke Schlupp geholl an do koum den Här Octave mat senger léiwer Stëmm, ech muss soen, dat war esou e léiwe Mann, ass haut nach e léiwe Mann. Do huet hie mech berouegt a sot: A jo. dat wär flott, ech soll mech dann emol op de Casting preparéieren, an ech soll iwwermuer kommen."
D'Maggy Molitor ass dohinner gaangen an et goufen bal zéng Joer doraus.
"Ech war op ville Bünen doheem"
D'Maggy Molitor huet villes gemaach an hirem Liewen, si huet gäre vill ausprobéiert, iwwer den Theater oder d'Schoulhalen, wat si bis haut gäre mécht, jo esouguer, Dame d'honneur um Groussherzoglechen Haff ze sinn, war eng Erfarung, déi si ni mësse wéilt. Si war op ville Bünen doheem, op ville Plazen, wou Leit sech gewënscht hätten, do ze sinn. Mee si huet awer eppes gemierkt:
" Et gëtt iwwerall nëmme mat Waasser gekacht a wann s de bis op der Plaz selwer bass, ass se net méi esou romantesch, wéi se war, mee interessant. (...) Awer ech sinn dankbar, wat ech erlieft hunn a mengem Liewen, an ech hoffen, datt ech nach ganz vill erliewen. An ech hunn och nach Spaass a sinn nach virwëtzeg, fir nach ganz aner Saachen ze erliewen."
Episoden
Lukas Held: "Ech sinn iwwerall net vun hei"
Den hausinterne 100,7-Philosoph a Philosophieproff ass Invité.
Danielle Igniti: "Et muss een de Courage hunn net ze gefalen"
Aus der Kulturzeen an zu Diddeleng ass si net ewechzedenken. 12 Joer huet si de Kulturzentrum opderschmelz geleet, 20 Joer war si Presidentin vum Planning Familial.
Lucien Didier: "Fir de Bernard Hinault alles ginn"
De fréieren Profi-Cyclist ass kuerz virum Depart vun der 109. Editioun vum Tour de France Invité.
Claudine Als: " De Sachen op de Fong goen"
D'Presidentin vun der ASBL Roses pour le Patrimoine Luxembourg ass Doktesch an der Nuklearmedizin, war Fuerscherin a fréier Conseillère vun der Stad Lëtzebuerg.
Philip Crowther
De Radio- an Tëlee-Journalist ass Invité.
Philip Crowther
De Radio- an Tëlee-Journalist ass Invité.
Maggy Molitor: "Ech hu gemaach, wat ech wollt maachen"
D'Actrice, Kabarettistin, a fréiert Gesiicht vum Hei Elei Kuck elei ass Invitée beim Jean Claude Majerus.
Daphné Boehles: "Schonn als Kand e Bicherwuerm"
D'Bibliothekärin ass Invitée.
Monique Becker: "Sensibilitéit am Ëmgang mat der Faarf"
Schwaarz ass hir Faarf, mee schwaarz ass net schwaarz, wéi si selwer seet.
Annick Pütz: "E Liewe fir den Danz an d'Beweegung"
D'Choreografin an Dänzerin Annick Pütz ass Invitée.
Rol Gelhausen: "Vu Kanech an d'Stad"
Den Acteur an Auteur ass den Invité.
Dr. Bernard Thill: D'Mënschlechkeet steet am Mëttelpunkt
Den Onkolog a Paliativmedezinner ass Invité. Hien huet en neit Buch mam Titel "Das Warschauer Konzert" derbäi.
Maggy Molitor: "Ech hu gemaach, wat ech wollt maachen"
D'Actrice, Kabarettistin, a fréiert Gesiicht vum Hei Elei Kuck elei ass Invitée beim Jean Claude Majerus.
Laurent Warnier: "D'Léift zur Musek"
De Perkussionist, deen zu Amsterdam an zu Boston (USA) studéiert, ass Invité.
Myriam Muller "E Liewe mam Theater"
D'Actrice, d'Enseignante an Theaterdirektesch ass Invitée.
Dr. Bernard Thill: D'Mënschlechkeet steet am Mëttelpunkt
Den Onkolog a Paliativmedezinner ass Invité. Hien huet en neit Buch mam Titel "Das Warschauer Konzert" derbäi.
Andy Maar
Invité ass de Member vu Rosa Lëtzebuerg an de Coordinateur vun der Luxembourg Pride.
Jean-Paul Maes: "Et kann ee Geschichten erzielen"
Den Acteur, Auteur a Regisseur ass Invité.
Tommy Schlesser: "Glieser hallef voll gesinn"
De Lëtzebuerger Comedian, Model an Acteur ass Invité.
