Sot emol
Daphné Boehles: "Schonn als Kand e Bicherwuerm"
55 min
Et gi bestëmmt nach vill Leit, déi wa vun engem/enger Bibliothekäre:in geschwat gëtt, un e Mënsch denken, dee sech an enger Bibliothéik ëm Bicher bekëmmert an op alle Fall och all Buch soll geliest hunn. Oder e Mënsch, deen engem all méiglech Informatiounen iwwer e Buch oder allgemeng iwwer Literatur ka ginn. Mee am Fong ass de Beruff vum Bibliothekär vill méi, e moderne Beruff, deen och déi nei Technologien net scheit.
D'Daphné Boehles huet op der Haute Ecole de la Province de Liège Bibliothecaire-Documentaliste studéiert, am Fong wat ee Bibliothéconomie nennt. D'Daphné Boehles erënnert sech awer, datt si, wéi si gesot huet, datt si gäre géif Bibliothéconomie studéieren, ofgerode krut dat ze maachen, et war zimmlech vun alle Säiten eng negativ Astellung dozou:
" Nee, maach dat net, dat ass e Beruff, dee stierft aus, dat ass total langweileg. Maach dat net, well esou vill Bibliothéike gëtt et jo och net am Land, do fënns de nimools eng Plaz, also et war komescherweis immens negativ. Ech hunn och deen Ament immens u mir gezweiwelt. Do hunn ech esou e klengen Test gemaach. Wou leie meng Stäerkten, wat zitt mech un. Dunn ass awer erauskomm, datt meng Charaktereegenschaften, de Leit ze hëllefen, virwëlzeg ze sinn, Informatiounen zesummenzebréngen, datt dat awer absolut op dat Beruffsfeld géif passen."
De Studien zu Léck stoung näischt méi am Wee, a bis haut war et dee richtege Wee, deen d'Daphné Boehles ageschloen huet, well wat ass jo awer méi schéin, wéi e Beruff, bei deem ee praktesch all Dag bäiléiert. An d'Nofro u Leit am Beräich Bibliothéiken, Dokumentatiounszenteren oder Archiven ass eng Realitéit a wäert och nach wuessen.
Wann een an der Zäit zeréckgeet, da muss ee festhalen, datt d'Daphné Boehles schonn als Kand e Bicherwuerm war a vill Zäit mat Liese verbruecht huet.
"Ech war definitiv eng Liesrat, ech hunn immens gäre gelies, well ech och d'Chance hat d'Bicher vun doheem aus geschenkt ze kréien. Bei eis doheem waren net esou vill Bicher, ech kommen aus enger Aarbechterfamill. An ech hat eben déi grouss Chance, datt ech net mäi ganzt Täschegeld hu mussen drop maache fir mir d'Bicher selwer ze kafen."
D'Bicher waren e groussen Deel vun der Daphné Boehles hirer Kandheet a Jugend, a sinn et och haut nach.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
