Sot emol
Laurent Warnier: "D'Léift zur Musek"
55 min
Et ass sécher net falsch ze soen, datt Perkussiounsinstrumenter zu de ganz beléiften Instrumenter gehéieren, an datt vill Kanner Loscht hunn ob déi Instrumenter, wou een drop schloe kann, se rësele kann asw. D'Perkussioun ass en Instrumentegenre, dee laang Zäit am Schied vu villen aneren Instrumenter stoung, an eréischt no an no gouf aus der Perkussioun als Orchesterinstrument och e Solo-Instrument.
De Perkussionist Laurent Warnier huet um Conservatoire zu Amsterdam an um Conservatoire vu Boston studéiert. Hien huet schonn als klenge Bouf mat der Musek ugefaangen. Hien, deen aus enger ganz musikalescher Famill kënnt, war vun Ufank u vun den Perkussiounsinstrumenter faszinéiert. Iwwert seng Formatioun um Escher Conservatoire huet säi Wee hien dunn op Amsterdam a Boston gefouert. An haut ass hie Perkussiounsproffesser am Stater Conservatoire an och am Conservatoire zu Amsterdam.
Vibraphon a Marimba
Zur Perkussioun gehéiere ganz vill Instrumenter, datt wëll de Laurent Warnier och ënnersträiche mä hien huet sech am Laf vu senge Studien a wärend senger musikalescher Entwécklung eng Zäit op dës zwee Instrumenter spezialiséiert.
"Well ech iergendwéi fonnt hunn, dat sinn déi Instrumenter mat deenen ee ka besser iwwert Musek kommunizéieren mat aneren klassesche Museker.(...) Wann s de wëlls mat engem Geiist iwwer Musek schwätzen dann hues de e ganz änlechen Langage um Marimba, d.h. iwwert Phrasé, iwwer Artikulatioun, iwwer Klangfaarwen, da kanns de do op enger Wellelinn mat engem Geiist schwätzen."
An eben alles wat de Laurent Warnier elo mat Vibraphon a Marimba geléiert huet, kann hien elo op déi aner Instrumenter iwwerhuelen.
Ganz enk mat China verbonnen
De Laurent Warnier hat am Lycée eng grouss Affinitéit fir Chimie, hätt sech schonn kéinten virstellen an dem Beräich weider ze goen, ma um Enn huet awer d'Léift zur Musek gewonnen. Zu Amsterdam konnt e seng Léift zur Musek liewen, an huet och privat d'Erfëllung fonnt, wou en nämlech wärend dem Studium seng Fra Rachel Xi Zhang kenne geléiert, selwer och Perkussionistin. An allebéid hunn den "Joint Venture Percussion Duo" gegrënnt. Aktuell schaffen se un engem neie Projet wou aus dem Duo awer en Trio ginn, mat zousätzlech engem Pianist.
Duerch eben d'Visitten bei der Famill vu senger Fra a China hat de Laurent Warnier och d'Méiglechkeet Concert a China ze spillen, well si zanter 2008 all Joers ëmmer erëm a China ware bis den Ufank vun der Pandemie, a béid hoffen awer geschwënn nees kënnen dohinner ze reesen. De Laurent Warnier huet och fir seng Relatiounen ze verbesseren ugefaange Chineesesch ze léieren.
"Bei mer war e gewëssenen Drock fir mat der Famill natierlech ze schwätzen, mä ech hunn ganz vill Zäit elo wärend der Pandemie investéiert fir schwätzen ze léieren.(...) Dass ech dat op d'Rei kréien, dass ech e Gespréich mat menger Famill ka féieren a China. Mä dat dauert laang, du huet ee guer keng Referenzpunkten zu iergend enger Sprooch(...) Als Museker huet ee vläicht liicht, méi Bezuch dozou, well een éischter héiert wann een eng Betounung falsch mécht."
Mat senge Fäegkeet Chineesesch ze schwätzen huet de Laurent Warnier awer grad hei zu Lëtzebuerg an engem Wäibuttek de ee chineesesche Propriétaire huet, eng flott Erfarung gemaach.
"Dunn hunn ech zwee Wierder op Chineesesch gesot. Do huet deen direkt mat mer op chineesesch ugefaange mat schwätzen. Do huet en dann eraus fonnt datt ech e bësse besser ka schwätzen an do huet e mech invitéiert fir hannendrun an d'Kichen ze komme fir Téi ze drénken. Do si lauter Kolleege komm vun him, do hunn ech mech gefillt wéi wann ech a China wär."
D'Musek ass omnipresent am Laurent Warnier sengem Liewen, mä wann en emol net direkt mat Musek ze dinn, dann huet dem Laurent Warnier awer och nach en aneren Hobby, en huet eng Formatioun als Sommelier gemaach a elo probéiert e Wäiner ze schmaachen an ze benennen.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
