Sot emol
Jean-Paul Maes: "Et kann ee Geschichten erzielen"
56 min
Acteur, Auteur a Regisseur si wuel déi dräi Pilieren, op deenen dem Jean-Paul Maes seng Aarbecht am Theater steet. De Jean-Paul Maes ass zanter Joerzéngten eng fest Gréisst an der Lëtzebuerger Theaterzeen an och doriwwer eraus.
Zu Graz an Éisträich huet de Jean-Paul Maes seng Theaterformatioun gemaach an duerno vill am däitschsproochege Raum gespillt, éier de Wee hien nees zeréck op Lëtzebuerg bruecht huet. De Jean-Paul Maes huet och ëmmer nei Iddien an den Theater bruecht, wéi de Stengeforter Theaterfestival, den Act-in-Festival oder säin aktuelle Projet, de Kaleidoskop Theater.
Dat Faszinant um Theater ass fir de Jean-Paul Maes, datt ee vun der Bün erof Geschichte kann erzielen. An hien erlieft och ëmmer erëm, wat een och iwwerrascht, datt Mënschen, wa si Stécker, an deenen hie gespillt huet, gesinn hunn, net nëmmen dat schauspilleresch Verhalen, mee dat Ganzt dacks och mat engem perséinlechen Erliefnes verbannen.
"Wéini sot een zu mir: 'Ech hu meng Fra kennegeléiert bei 'De Bauer gëtt Millionär', do hat dir d'Haaptroll.' Ech sot, dat war 1991. 'Jo, esou laang kennen ech meng Fra schonn.' Ech sot, ma wonnerbar, an dir sidd haut nach zesummen. (...)
An nach wéini sot eng Fra: ''Bartsch, Kindermörder' am Joer 2000, ech hunn dräi Nuechte net geschlof, wéi ech dat gesinn hunn?'."
An genee dat faszinéiert de Jean-Paul Maes och, well een de Mënschen eppes ka ginn, d'Geschicht a sech selwer. Dat selwecht zielt awer och fir de Regisseur an Auteur
Wéi kënne meng Stécker gespillt ginn?
A wa mir beim Auteur sinn: de Jean-Paul Maes seet, datt hie schonn als Kand ëmmer gär geschriwwen huet, als Jugendlechen huet hie sech dunn d'Fro gestallt, wéi hien un d'Schreiwe kéint kommen, well hie wollt ënner anerem och en Theaterstéck schreiwen.
"Ech duecht: du hues jo guer keng Méiglechkeet, datt een dat spillt. Déi eenzeg Méiglechkeet, déi et gëtt, ass datt s de selwer Schauspiller gëss. An da kann et och sinn, datt een deng Stécker spillt. Am Fong, ganz graff gesot, vläicht sinn ech och nëmme Schauspiller ginn, fir datt meng Stécker gespillt ginn."
Seng Duechter huet och d'Schauspillerei gewielt
Beim Jean-Paul Maes ass den Theater schonn eng Familljenaffär. Hien huet vill mat senger Fra, der Eva Paulin, zesummegeschafft. An dann ass seng Duechter Rosalie an de Professionalismus als Schauspillerin gaangen. An de Jean-Paul Maes huet schonn déi Zäit am Escher Conservatoire de Beruffswonsch bei senger Duechter gespiert. Mee heiansdo huet hie sech awer Fro gestallt, ob seng Duechter wéinst senger géif Schauspillerin ginn:
"Ob ech et net ze vill beaflosst hätt. Mee dat mengen ech awer net, hat ass eng jonk Fra, déi genee weess, wat si wëllt. An ech muss och soen, et war kee Feeler, well hatt ass, a mengen Aen, eng wonnerbar Schauspillerin, a mir geet ëmmer d'Häerz op, wann ech et spille gesinn."
Méi iwwer de Jean-Paul Maes fannt Dir och op kaleidoskop.lu.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
