Sot emol
Philip Crowther
58 min
Déi meescht Nolauschter:inne kennen de Philip Crowther vun eise Wellen als Korrespondent fir de radio 100,7. Dëse Weekend war hien zu Lëtzebuerg, wou hien den officier de l'ordre du Mérite entgéintgeholl huet. Eng Auszeechnung, déi hie sech wéinst senger Berichterstattung a sechs Sprooche verdéngt huet.
De gebiertege Lëtzebuerger, deen iwwregens eréischt 2019 Lëtzebuerger gouf, schafft bei der Associated Press a bericht a sechs Sproochen, ouni Accent, den Ament an der Haaptsaach iwwer de Krich an der Ukrain. 1981 gebuer, hien huet Däitsch an Englesch geléiert, éier hie Lëtzebuergesch schwätze konnt. Hie war am Stater Kolléisch, wou hien 2001 seng Première gemaach huet, huet dunn zu London um King's College Spuenesch studéiert a säi Studium 2008 mat engem Bachelor of Arts ofgeschloss. Zousätzlech huet hien och nach e Studium am Tëlee-Journalismus op der University of the Arts gemaach.
D'Natasha Ehrmann féiert duerch d'Gespréich.
Episoden
Dany Kaber: De Marathon war hir léifste Course
D'Leeferin Dany Kaber, déi bei den Olympesche Summerspiller 1988 zu Seoul Siwent am Fraemarathon gouf, ass d’Invitée.
Josy Lorent: E Mënsch mat villen Interessen
Dee fréiere Wort-Journlalist an aktuelle President vun der ASBL Frënn vun der Militärmusek am Gespréich
Annette Schlechter: Schauspillerin an Infirmière
D'Schauspillerin Annette Schlechter ass déi Kéier d'Invitée beim Jean Claude Majerus an der Emissioun Sot emol.
Anabela a Jorge Valente: Eng Globetrotter-Koppel
D'Anabela an de Jorge Valente si schonn 10 Joer mat hirem Motorrad ënnerwee ronderëm d'Welt, ewell schonn iwwer 130.000 Kilometer.
Michel Grevis: Ech sinn e virwëtzege Mënsch
Den Auteur, Zeechner, Kënschtler, passionéierte Schoulmeeschter a Responsabele vum Centre des Jeunes vum SNJ zu Huelmes ass Invité.
Clara Herz: "Actrice ass mäin Dramberuff"
Mat vill Engagement, Talent an och Passioun ass dës Actrice amgaange sech an der Schauspillwelt ze etabléieren. Si ass vill zu Paräis, mee huet sech och schonn op Lëtzebuerger Büne gewisen a bewisen.
Aly Bintz: E léiwe Männchen
De Lëtzebuerger Acteur a Sänger Aly Bintz ass virun 20 Joer am Alter vun nëmme 75 Joer gestuerwen. Mir erënneren un dëse Lëtzebuerger Entertainer.
Joe Del Toe: De Gesondheets-Clown
De Gesondheets-Clown Joe Del Toe ass den Invité bei Jean Claude Majerus an der Emissioun "Sot emol"
Raymond Conzemius: De Sport ass de roude Fuedem
Den aktuellen Directeur technique vum COSL Raymond Conzemius ass den Invité beim Jeam Claude Majerus an der Emissioun "Sot emol"
Sidney Scho: E ganz jonken Dirigent
Den Dirigent an Directeur musical vum Cercle symphonique vu Rëmeleng Sidney Scho ass haut den Invité beim Jean Claude Majerus am Sot emol.
Justin Gloden: E Liewen fir d'Lafen
Den Invité ass a war Mëttel- oder Laangstreckeleefer. Hien ass och esou munch Lëtzebuerger Rekord vun de 1500 Meter u gelaf, an nach haut ginn et ëmmer Rekorder, déi him gehéieren.
Emma Lily Karier: De Saxofon a Wien
D'Musekerin, Saxofonistin an och Sängerin an Dirigentin ass d'Invitée.
Norbert Haupert: Sportler, Sportfonctionnaire a Politiker
Als Liichtathleet war den Norbert Haupert ganz erfollegräich, ë. a. mat engem Lëtzebuerger Rekord iwwer 1.000-Meter. Als CSV-Deputéierte souz hie 14 Joer an der Chamber.
Laurence Duhr: Wäibau, Psychologie a Clownereien
Bei der Invitée dës Kéier fënnt een nees eng grouss Diversitéit an hirem Parcours, dee si mécht oder bis ewell gemaach huet.
Jean Portante: Schwaarzt Gezei a roude Schal
De Poet a Schrëftsteller mat italieeneschen Originnenan ass zanter Ufank u fräie Mataarbechter vum radio 100,7. Éier hie sech ganz dem Schreiwe consacréiert huet, war hie Franséisch Proff.
Änder Hirt: E Museker mat Leif a Séil
De Mueker a Sänger Änder Hirt ass den Invité.
Guy Conter: E räicht Musekerliewen
De Museker an Museksprofesser am Escher Conservatoire war nom Fred Hales vun 2007 bis 2015 Chef vun der Brass Band an huet duerno weider de Solo Cornet gespillt.
Isabelle Braun-Dominicy: "Et mécht nach ëmmer ganz vill Freed"
D'Isabelle Braun-Dominicy ass Pianist an Enseignante fir Solfége. Aktuell ass si Professorin um Escher Conservatoire, wou si nieft de Coursen och de Jugendchouer dirigéiert.
Stephan Quintus: A Schweden en neit Doheem fonnt
De Stephan Quintus ass mat senger Fra a senge véier Bouwen a Schweden ausgewandert.
