Am Fong
Walen 2023 - Gëff de Kanner eng Stëmm
55 min
Dat ganz lescht Joerhonnert gouf vill iwwer Kannerrechter nogeduecht, an et ass vill geschitt. Wa Kanner deels hu misse schaffe goen amplaz an d'Schoul, ass dat haut bei eis net méi virstellbar. Dat ass nëmmen ee Beispill, datt sech d'Siicht vun der Gesellschaft op d'Kanner an déi Jonk vill geännert huet.
Bedéngt doduercher, datt 1993 zu Lëtzebuerg d'Kannerrechtskonventioun a Kraaft getrueden ass. An der Konventioun stipuléiert den Artikel 12 Folgendes:
All Kand huet Recht op seng Meenung, a jiddwer Situatioun, och an enger administrativer oder geriichtlecher Prozedur, déi et betrëfft, selwer oder duerch een anere gehéiert an eescht geholl ze ginn.
Kanner hunn e Recht op hir Meenung, si däerfe sech fräi äusseren a musse vun den Erwuessene gehéiert an eescht geholl ginn - si hunn e Recht op Participatioun an der Gesellschaft, e Recht op beschtméiglech Bildung, an d'Recht op Zougang zu Informatioun, déi si verstoe kënnen, fir just dës ze nennen.
An de leschte Joren huet d'Politik sech enormen Erausfuerderunge misse stellen. De Krich an Ukrain a laang unhalend Krisen - wéi d'Klimakris - menacéieren d'Liewen an d'Zukunft vun de Kanner. Iwwerall op der Welt, mee och hei am Land.
D'Covid-19-Pandemie huet existent Ongläichheeten accentuéiert.
Grad an engem Superwaljoer geet et och ëm d'Zukunft vu Kanner a Jonker. Obwuel si ganzer 19 Prozent vun der Bevëlkerung ausmaachen, kënne si awer nach net wielen.
D'Unicef setzt sech dofir an, datt hir Meenung an de Walprogrammer, bei de Walen a bei de Regierungsentscheedunge respektéiert gëtt. Iwwer d'Campagne "Gëff hinnen eng Stëmm - Wiel fir all Kand", huet Unicef Lëtzebuerg fir déi nächst Legislaturperiod néng Prioritéite fir e kannerfrëndlecht a kandgerecht Lëtzebuerg gesat. An engem Manifest huet d'Unicef Recommandatiounen un déi politesch Parteien formuléiert.
Wat sinn déi néng Punkten? Wat sinn engersäits d'Constaten an anerersäits d'Revendicatiounen?
Am Fong geet de Froen op de Fong mam Invité Paul Heber, dee bei der Unicef fir d'Kommunikatioun zoustänneg ass. D'Natasha Ehrmann féiert duerch d'Gespréich.
Episoden
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
Omega 90: Nicole Weis a Fabian Weiser
Omega 90 huet gëschter hire Joersrapport 2022 presentéiert a mat de zwee Vertrieder vun der Direktioun schwätzen mer haut iwwert dee Rapport an iwwer d'Aarbecht vun Omega 90.
Schlof bei Kanner
Wat kann ee maachen, fir d'Kanner op d'Schlofenszäit anzestellen a wéi entwéckelt sech de Schlof, dat verréit d'Schlofberoderin Tania Hemmer.
Eng Ausstellung ronderëm d'Sprooch(en) zu Lëtzebuerg
Zu Lëtzebuerg ass een all Dag mat ville verschiddene Sprooche konfrontéiert. Den Zenter fir d'Lëtzebuerger Sprooch lancéiert eng Ausstellung.
Walen 2023 - Gëff de Kanner eng Stëmm
Invité ass de Paul Heber, dee bei der Unicef fir d'Kommunikatioun zoustänneg ass.
Eric Lehmann: Lëtzebuerg nees beim Eurovision Song Contest
Den Invité bekëmmert sech bei RTL ëm déi Lëtzebuerger Selektioun an ass doriwwer eraus och e risegen Adept an Expert vum Eurovision Song Contest.
Beienhaus ASBL: Participatiivt Wunnen
Invitéë sinn d'Astrid Lauterbach an d'Marthy Anne Becker vu der ASBL Beienhaus an d'Anne Frostin an de Patrick Chrétien deelen hir Erfarungen an enger Kooperativ bei Lyon.
Lucien Didier: De Bléck op den Tour de France
Dee fréiere Vëlosproffi a Coequipier vum fënneffachen TdF-Gewënner Bernard Hinault ass den Invité.
Mat Kanner iwwer Ängschte schwätzen
"Mir brauchen all d'Gefiller, déi mir hu fir ze iwwerliewen. Dozou gehéiert et och, Angscht ze hunn," seet d'Psychologin Lisa Clees.
E-Autoen: Mat Elektro a Richtung Nohaltegkeet?
Invitéiert si vun der Klima-Agence de Fenn Faber an de Yann Trausch. An ee ferventen Aficionado vun der E-Mobilitéit, de Lucien Reger
De Beruff vum Apdikter / vun der Apdiktesch
D'Claude Hostert-Pfeiffer, Apdiktesch a Member vum C. A. vum Apdikter-Syndicat iwwer d'Wäissbuch: "Pharmacie 2030: Une vision pour la pharmacie d'officine au Luxembourg".
Weiderbildung mat AI
Kënschtlech Intelligenz wäert den Aarbechtsalldag an den Aarbechtsmarché veränneren. An der Emissioun kucke mir, wéi KI bei der berufflecher Weiderbildung kann hëllefen.
Non-formal Bildung
D''Rout Kräiz ass ee vun den Haaptacteuren am Beräich vun der non-formaler Bildung. Invité ass de Marco Deepen, Chargé de direction an Direkter vun der non-formaler Bildung.
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
"Queesch duerch d'EU"
Kachbuch vum Lycée Nic Biever: am Studio: de Claus Jacques vun der 1C, Kathy Ngom, d'BTS-Studentin, déi fir den Design zoustänneg ass, an d'Enseignante, Sabrina Olivieri.
Inclusioun um Aarbechtsmarché
Den Inclusator Sascha Lang ass am Studio. Hien huet am Virfeld mam Joël Delvaux geschwat, dee responsabel ass vum Département des Travailleurs Handicapés (DTH) vum OGBL.
Lëtzebuerger Sproochatlas 1900
De Sproochmates Alain Atten, de Geografie Professer a Kartolog Claude Schmit an d'Linguistin Dr. Nathalie Entringer (ZLS) iwwer d'Gebuert vum "Lëtzebuerger Sproochatlas 1900"
