Am Fong
Wikipedia op Lëtzebuergesch
55 min
All Persoun, déi een Zougang zum Internet huet, kennt warscheinlech Wikipedia - déi weltwäit Enzyklopedie. 2001 gegrënnt, bitt de Portal Zougang zu enger Welt voller Wëssen. Eng Abberzuel vun Theeme ginn all Dag behandelt an erkläert. Artikelen, déi an 300 Sprooche verfaasst sinn.
2004 ass fir d'éischte Kéier een Artikel op Lëtzebuergesch online gaangen. De Sujet war d'Konzept an d'Geschicht vu Wikipedia. Haut wiisst d'Zuel vun de Artikelen exponentiell, an ëmmer méi Mënsche schreiwe Contenu op Lëtzebuergesch. Op fräiwëlleger Basis ka jiddweree säi Wësse matdeelen an esouguer Artikele vun anere Persoune verbesseren. Alleguerten d'Bäiträg stinn ënner enger sougenannter "Creative Common License", déi et erlaabt, datt jiddwereen Zougrëff op Daten huet, se verbesseren, kopéieren a benotze kann. Eenzeg Bedéngung ass, datt ee seng Sourcen ugëtt vun deem, wat ee schreift.
Wikipedia Lëtzebuerg huet keng professionell Redaktioun, déi d'Säit geréiert. Zil ass nämlech, datt alleguerten d'Usere sech géigesäiteg verbesseren an ergänzen.
Mee et gëtt eng ASBL: Wikimedia Lëtzebuerg. Hiert Zil ass et, d'Verbreedung vu fräiem Wëssen allgemeng ze fërderen an iwwerdeems iwwer d'Aktivitéite vu Wikimedia-Projeten zu Lëtzebuerg ze sensibiliséieren. Zum Beispill iwwer d'Matschaffe bei Wikipedia op Lëtzebuergesch, oder Diskussiounen ronderëm d'Autorerecht.
Wie sinn dës engagéiert Wikipedianer? Wéi hu si zesummefonnt? Wat steet genee op der lëtzebuergescher Wikipedia Säit? Wat ass hire Succès? Wat brauch d'Säit, fir nach méi ze wuessen?
Am Fong geet dëse Froen op de Fong. D'Natasha Ehrmann féiert duerch d'Gespréich mat dräi Vertrieder vun der ASBL: Marc Espen, Jean-Louis Gindt a Gilles Peter.
Episoden
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
Omega 90: Nicole Weis a Fabian Weiser
Omega 90 huet gëschter hire Joersrapport 2022 presentéiert a mat de zwee Vertrieder vun der Direktioun schwätzen mer haut iwwert dee Rapport an iwwer d'Aarbecht vun Omega 90.
Schlof bei Kanner
Wat kann ee maachen, fir d'Kanner op d'Schlofenszäit anzestellen a wéi entwéckelt sech de Schlof, dat verréit d'Schlofberoderin Tania Hemmer.
Eng Ausstellung ronderëm d'Sprooch(en) zu Lëtzebuerg
Zu Lëtzebuerg ass een all Dag mat ville verschiddene Sprooche konfrontéiert. Den Zenter fir d'Lëtzebuerger Sprooch lancéiert eng Ausstellung.
Walen 2023 - Gëff de Kanner eng Stëmm
Invité ass de Paul Heber, dee bei der Unicef fir d'Kommunikatioun zoustänneg ass.
Eric Lehmann: Lëtzebuerg nees beim Eurovision Song Contest
Den Invité bekëmmert sech bei RTL ëm déi Lëtzebuerger Selektioun an ass doriwwer eraus och e risegen Adept an Expert vum Eurovision Song Contest.
Beienhaus ASBL: Participatiivt Wunnen
Invitéë sinn d'Astrid Lauterbach an d'Marthy Anne Becker vu der ASBL Beienhaus an d'Anne Frostin an de Patrick Chrétien deelen hir Erfarungen an enger Kooperativ bei Lyon.
Lucien Didier: De Bléck op den Tour de France
Dee fréiere Vëlosproffi a Coequipier vum fënneffachen TdF-Gewënner Bernard Hinault ass den Invité.
Mat Kanner iwwer Ängschte schwätzen
"Mir brauchen all d'Gefiller, déi mir hu fir ze iwwerliewen. Dozou gehéiert et och, Angscht ze hunn," seet d'Psychologin Lisa Clees.
E-Autoen: Mat Elektro a Richtung Nohaltegkeet?
Invitéiert si vun der Klima-Agence de Fenn Faber an de Yann Trausch. An ee ferventen Aficionado vun der E-Mobilitéit, de Lucien Reger
De Beruff vum Apdikter / vun der Apdiktesch
D'Claude Hostert-Pfeiffer, Apdiktesch a Member vum C. A. vum Apdikter-Syndicat iwwer d'Wäissbuch: "Pharmacie 2030: Une vision pour la pharmacie d'officine au Luxembourg".
Weiderbildung mat AI
Kënschtlech Intelligenz wäert den Aarbechtsalldag an den Aarbechtsmarché veränneren. An der Emissioun kucke mir, wéi KI bei der berufflecher Weiderbildung kann hëllefen.
Non-formal Bildung
D''Rout Kräiz ass ee vun den Haaptacteuren am Beräich vun der non-formaler Bildung. Invité ass de Marco Deepen, Chargé de direction an Direkter vun der non-formaler Bildung.
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
"Queesch duerch d'EU"
Kachbuch vum Lycée Nic Biever: am Studio: de Claus Jacques vun der 1C, Kathy Ngom, d'BTS-Studentin, déi fir den Design zoustänneg ass, an d'Enseignante, Sabrina Olivieri.
Inclusioun um Aarbechtsmarché
Den Inclusator Sascha Lang ass am Studio. Hien huet am Virfeld mam Joël Delvaux geschwat, dee responsabel ass vum Département des Travailleurs Handicapés (DTH) vum OGBL.
Lëtzebuerger Sproochatlas 1900
De Sproochmates Alain Atten, de Geografie Professer a Kartolog Claude Schmit an d'Linguistin Dr. Nathalie Entringer (ZLS) iwwer d'Gebuert vum "Lëtzebuerger Sproochatlas 1900"
