Am Fong
Tabu: Suicide bei Jonken - Wann d'Séil wéideet
55 min
Weltwäit huele sech all Joer iwwer 700.000 Mënschen d'Liewen. Suicide ass iwwerdeems déi véiertheefegst Doudesursaach bei Jonken tëschent 15 a 29 Joer. D'Famillen an den Entourage bleiwe mat Scholdgefiller zeréck a stelle sech vill Froen iwwer d'Grënn a wéi den Akt hätt kënne verhënnert ginn.
Dem Statec no hunn zu Lëtzebuerg 2019 78 Mënschen hirem Liewe fräiwëlleg en Enn gesat, méi aktuell Zuele ginn et net. Dat seet schonn eppes iwwer den Tabu ronderëm de Sujet aus.
D'Ursaache fir Suicide bei jonke Persoune si villfälteg. D'Sozialisatioun mat aneren am selwechten Alter, seng Plaz am Grupp fannen ass mam Risk vuM Zeréckweise verbonnen. Awer och Problemer an der Famill, an der Schoul, Leeschtungsdrock a Mobbing kënnen eng Roll spillen, grad wéi Depressiounen oder aner Stéierungen. De Suicide ass d'Resultat vu komplexen Interaktiounen tëschent Risiko- an Protektiouns-Facteuren.
Awer ass all Suicide ze evitéieren, et existéieren d'Handlungsméiglechkeeten, déi d'Suicide-Unzuel signifikant reduzéieren. D'Preventioun ass ee vun den Haaptpiliere bei der Ënnerstëtzung vum Wuelbefannen an der mentaler Gesondheet.
D'Regierung gesäit am Kader vun de Folge-Aktiounen vum Suicide-Preventiounsplang 2015-2019 vir, d'Preventioun ze verbesseren andeems den Zougang zu de Jugend-psychiatresche souwéi psycho-soziale Servicer vereinfacht gëtt. Hei sinn déi Professionell aus der gesamter Schoul-Communautéit viséiert. Aktuell bestinn eng ganz Rëtsch Projeten a Prozeduren, déi geziilt agesat ginn, fir déi Jonk a Gefor ze erreechen. De Wee dohinner féiert awer och iwwer de Broch vum Tabu ronderëm dem Suicide.
Wat bewierkt, datt eng jonk Persoun méi vulnerabel ass eng Tentative de Suicide ze maache wéi eng aner? Wisou si Jonker ufälleg? Wat si Virzeechen? Wéi kann een doriwwer schwätzen? Wat ass en Place, a wat feelt?
Am Fong geet deene Froen op de Fong. D'Natasha Ehrmann féiert duerch d'Gespréich mat de Psychologe Fränz d'Onghia vun der Ligue Luxembourgeoise d'Hygiène Mentale a Jean-Marc Wagner vum Centre psycho-social et d'accompagnement scolaires CePAS.
Wien Informatioune sicht oder mengt direkt Hëllef ze brauchen, ka sech hei mellen:
Prevention suicide; Kanner a Jugend Telefon; SOS Détresse
Episoden
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
Omega 90: Nicole Weis a Fabian Weiser
Omega 90 huet gëschter hire Joersrapport 2022 presentéiert a mat de zwee Vertrieder vun der Direktioun schwätzen mer haut iwwert dee Rapport an iwwer d'Aarbecht vun Omega 90.
Schlof bei Kanner
Wat kann ee maachen, fir d'Kanner op d'Schlofenszäit anzestellen a wéi entwéckelt sech de Schlof, dat verréit d'Schlofberoderin Tania Hemmer.
Eng Ausstellung ronderëm d'Sprooch(en) zu Lëtzebuerg
Zu Lëtzebuerg ass een all Dag mat ville verschiddene Sprooche konfrontéiert. Den Zenter fir d'Lëtzebuerger Sprooch lancéiert eng Ausstellung.
Walen 2023 - Gëff de Kanner eng Stëmm
Invité ass de Paul Heber, dee bei der Unicef fir d'Kommunikatioun zoustänneg ass.
Eric Lehmann: Lëtzebuerg nees beim Eurovision Song Contest
Den Invité bekëmmert sech bei RTL ëm déi Lëtzebuerger Selektioun an ass doriwwer eraus och e risegen Adept an Expert vum Eurovision Song Contest.
Beienhaus ASBL: Participatiivt Wunnen
Invitéë sinn d'Astrid Lauterbach an d'Marthy Anne Becker vu der ASBL Beienhaus an d'Anne Frostin an de Patrick Chrétien deelen hir Erfarungen an enger Kooperativ bei Lyon.
Lucien Didier: De Bléck op den Tour de France
Dee fréiere Vëlosproffi a Coequipier vum fënneffachen TdF-Gewënner Bernard Hinault ass den Invité.
Mat Kanner iwwer Ängschte schwätzen
"Mir brauchen all d'Gefiller, déi mir hu fir ze iwwerliewen. Dozou gehéiert et och, Angscht ze hunn," seet d'Psychologin Lisa Clees.
E-Autoen: Mat Elektro a Richtung Nohaltegkeet?
Invitéiert si vun der Klima-Agence de Fenn Faber an de Yann Trausch. An ee ferventen Aficionado vun der E-Mobilitéit, de Lucien Reger
De Beruff vum Apdikter / vun der Apdiktesch
D'Claude Hostert-Pfeiffer, Apdiktesch a Member vum C. A. vum Apdikter-Syndicat iwwer d'Wäissbuch: "Pharmacie 2030: Une vision pour la pharmacie d'officine au Luxembourg".
Weiderbildung mat AI
Kënschtlech Intelligenz wäert den Aarbechtsalldag an den Aarbechtsmarché veränneren. An der Emissioun kucke mir, wéi KI bei der berufflecher Weiderbildung kann hëllefen.
Non-formal Bildung
D''Rout Kräiz ass ee vun den Haaptacteuren am Beräich vun der non-formaler Bildung. Invité ass de Marco Deepen, Chargé de direction an Direkter vun der non-formaler Bildung.
D'Hëtzt an d'Sonn
D'Inivtée Dr. Anne Vergison ass responsabel vun der Inspection sanitaire vum Gesondheetsministère.
"Queesch duerch d'EU"
Kachbuch vum Lycée Nic Biever: am Studio: de Claus Jacques vun der 1C, Kathy Ngom, d'BTS-Studentin, déi fir den Design zoustänneg ass, an d'Enseignante, Sabrina Olivieri.
Inclusioun um Aarbechtsmarché
Den Inclusator Sascha Lang ass am Studio. Hien huet am Virfeld mam Joël Delvaux geschwat, dee responsabel ass vum Département des Travailleurs Handicapés (DTH) vum OGBL.
Lëtzebuerger Sproochatlas 1900
De Sproochmates Alain Atten, de Geografie Professer a Kartolog Claude Schmit an d'Linguistin Dr. Nathalie Entringer (ZLS) iwwer d'Gebuert vum "Lëtzebuerger Sproochatlas 1900"
