De veganen Tipp mam Marie
Kichelcher mat Lavendel an Zitroun
4 min
Perfekt fir bei den Téi oder de Kaffi
Dauer: 2 Stonnen Infusioun an 10 Minutte Virbereedung a 7 Minutte Baken
Ronn 6 Kichelcher
Mir brauchen:
- 110 g Dinkel-Miel (Typ 630 oder 1050)
- 25 g Mandelen a Pudder
- 1 Pris Salz
- 1 Zoppeläffel Lavendel-Blummen (frësch oder gedréchent)
- 10-20 g Zitroune-Confit (ageluechten Zitrounen)
- 40 g Kokosnoss-Ueleg
- 50 ml Agaven oder Ahorn Sirop
Zoubereedung:
1. De Kokosnoss-Ueleg an enger klenger Schossel schmëlze loossen
2. D’Lavendel-Blummen an den Ueleg vermëschen, mat Plastik ofdecken a fir op d’mannst zwou Stonne stoe loossen
3. No deenen zwou Stonnen de Schäffchen op 180 Grad opwiermen
4. All déi dréche Saachen an enger grousser Schossel vermëschen
5. D’Infusioun mam Lavendel an dem Ueleg an och de Sirop an déi grouss Schossel dobäi mëschen
6. Mat engem grousse Läffel alles e bësse vermëschen
7. Mat den Hänn alles zerdrécken an zu engem eenzegen Deeg zesumme formen
8. Den Zitroune-Confit a kleng Stécker schneiden a bei den Deeg dobäi ginn
9. Ronn 6 Deeg-Bulle formen an op Bakpabeier leeën
10. All Rull mat den Hänn e bëssen erofdrécken, op jeeweils 1 Zentimeter Déckt
11. Fir ronn 8 Minutte baken, bis d’Kichelcher hell brong ginn
12. D’Kichelcher op engem Bakblech mat Lächer ofkille loossen
Rezept inspiréiert vun der EHTL
Episoden
Wellington mat Nëss a Champignonen
Perfekt fir d‘Feierdeeg an och nach duerno
Mandel-Kokosnoss Kichelcher fir Chrëschtdag
Einfach Kichelcher, mat manner Zocker
Gebäck fir d'Feierdeeg
Brownies, passen och gudd elo fir d'Feierdeeg
E fluffegen Dessert mat Schockela
Karbrout
Bausse knuspreg, banne mëll
Zopp mat Porretten a Gromperen
Eng waarm Zopp, perfekt fir déi méi kal Deeg
Quiche mat Porretten a gereechertem Tofu
En idealt Rezept fir den Hierscht mat saisonalem Geméis
Zopp mat Tomaten aus dem Schäffchen
Ee Klassiker ënner den Zoppen, awer geréischtert
Brout mat séissem Kürbis Geschmaach
"Pumpkin Bread" - e Brout mat ville Gewierzer
Äppel-Kanéil Panescher
Perfekt fir de Brunch am Hierscht
Pumpkin Spice Smoothie
E Smoothie fir den Hierscht
Pumpkin Spice Cookies
Séiss Kichelcher mat Kürbis-Geschmaach
Kichelcher mat Lavendel an Zitroun
Perfekt fir bei den Téi oder de Kaffi
Cannelloni mat veganem Spinat-Ricotta
E perfekt Rezept fir den Ufank vum Hierscht
