De veganen Tipp mam Marie
Pumpkin Spice Cookies
3 min
Dauer: 15 Minutten Zoubereedung a 15 Minutte Baken
Ronn 10 mëttelgrouss oder 20 kleng Cookies
Mir brauchen:
- 112 g vegan Margarinn
- 100 g wäissen Zocker
- 50 g brongen Zocker
- 1 Kaffisläffel Vanill-Extrakt
- 75 g Kürbis-Purée
- 188 g Weessmiel Typ 550 oder Typ 405
- ½ Kaffisläffel Bakpolver
- ½ Kaffisläffel Natron (Baksoda)
- 1 Kaffisläffel Kanéil
- ¼ Kaffisläffel Muskot Pudder
- ¼ Kaffisläffel Salz
Zoubereedung fir de Kürbis-Purée:
1. Ee mëttelgrousse Kürbis an zwee Deeler schneiden
2. Déi zwee Deeler op Bakpabeier leeën a fir ronn 45 Minutte bei 220 Grad Celsius Ober-/Unterhitze baken, bis e banne mëll ass
3. Dat Bannent vum Kürbis an de Mixer ginn a fir e puer Minutte vermëschen, bis keng Stécker méi dra sinn
4. An engem zouene Behälter an de Frigo stellen, ass bis zu enger Woch laang gutt
Zoubereedung fir d’Cookies:
1. D’Margarinn, de wäissen Zocker an de brongen Zocker an eng Schossel ginn a mam Mixer vermëschen, bis et eng Mass ass
2. De Vanill-Extrakt an de Kürbis Purée dobäi mëschen
3. D’Miel, de Bakpolver, den Natron, de Kanéil, de Muskot an d’Salz dobäi ginn, a mat der Hand (net mam Mixer) fir e puer Minutten zu engem Deeg vermëschen a formen
4. De Schäffchen op 180 Grad Celsius opwiermen
5. Jeeweils 2 Zoppeläffelen Deeg a Form vun enger Bull op ee Bakpabeier leeën
6. All Bull mat enger Forschett e bëssen erofdrécken (ronn 1 Zentimeter Déckt)
7. Fir 12 bis 15 Minutte baken
8. Op ee Blech mat Lächer leeën an ofkille loossen
Episoden
Madeleinen
Dee fluffegen Dessert aus Frankräich
Pesto mat Muertegréngs
Lecker Pesto Alternativ, fir d’Muertegréngs och mol ze benotzen
Äppeltaart Smoothie
Ee gesonde Smoothie dee no Äppeltaart schmaacht
Lasagne
E Klassiker, veganiséiert
Eisekuch mat tierkeschem Flair (Baklava-Topping)
Eisekuch mat Baklava-Geschmaach, wéi deen tierkesche séissen Dessert mat Pistaschen.
Bouillon mat Pak Choi
Eng Zopp mat vill gesondem Geméis
Carrot Cake Muffins
E Rezept fir de Rescht Muerte vun Ouschteren ze benotzen.
Chai Latte
En ayurvedeschen Drink mat ville Gewürzer
Brioche mat Schockelasstécker
Perfekt fir d'Ouschterzäit
Hieselnoss Smoothie
E gudde Smoothie fir en Energiekick!
Miso Zopp
Eng authentesch japanesch Zopp
Kniddelen
Lëtzebuerger Rezept perfekt fir den Enn vum Wanter
Crèmeg Champignonszooss fir Pasta
Op Basis vu Cashewnëss
Veganen Cheesecake Parfait
E schnellen Dessert, perfekt fir Vältesdag
Verwuerelter
Déi vegan Versioun vum Lëtzebuerger Klassiker fir Fuesent
Nuddele mat rouder Paprikazooss
Crèmeg Zooss mat gereechertem Paprika
Vegan Carbonara
E Pasta-Klassiker, veganiséiert
Vegane French Toast
Perfekt fir ee séisse Brunch!
Pizza
En einfacht Rezept fir e flotte Pizzaowend doheem
