De veganen Tipp mam Marie
Verwuerelter
Dauer: 15 Minutte Virbereedung & 1 Stonn opgoe loossen
Fir ronn 30 Verwuerelter brauche mir:
• 500 g Miel (z.B. Typ 55 Weessmiel)
• ½ bis 1 Wierfel frësch Hief (20-40 g)
• 150 ml & 75-100 ml planzlech Mëllech (z.B. Sojamëllech)
• 50 g Margarine, geschmolt
• 1 Zoppeläffel & 60 g Zocker (wäissen oder brongen)
• E bësse Salz
• Planzlechen Ueleg fir ze frittéieren (z.B. Sonneblummenueleg)
• Pudderzocker
Zoubereedung:
1. D’Miel an eng grouss Schossel ginn an dann an der Mëtt ee Lach formen
2. 150 ml planzlech Mëllech opwierme bis se wotlech ass
3. 1 Zoppeläffel Zocker & d’Hief an der wotlecher Mëllech opgoe loossen
4. Dëse Mix an d’Lach schëdden, e bësse Miel dobäi ginn a fir ronn 10 Minutte roue loossen
5. De Rescht vun der planzlecher Mëllech, den Zocker, déi geschmolte Margarine an d’Salz an d’Schossel dobäi ginn
6. Alles mat engem Läffel vermëschen a fir e puer Minutte mat den Hänn knieden, bis et eng fest Deegbull gëtt (wann den Deeg ze pecheg ass, e bësse Miel dobäi ginn)
7. D’Schossel zoudecken an den Deeg fir ronn 1 Stonn opgoe loossen, bis en zweemol méi grouss gëtt
8. Den Deeg nach eemol kuerz knieden an op enger Aarbechtsplack mat e bësse Miel ausrullen op ca. 1 cm Déckt
9. A Sträife vu ronn 2 cm Breet an 10-15 cm Längt schneiden
10. Déi eenzel Sträife jeeweils zu engem Knuet formen
11. Den Ueleg an engem klengen Dëppen opwiermen, op ca. 180 Grad Celsius
12. All Verwuerelte fir ronn 2 Minutten pro Säit frittéieren, bis e gëllebrong gëtt
13. Op engem Teller mat Pabeierzerwéiten ofkille loossen, an eventuell nach Pudderzocker dobäi ginn
Episoden
Madeleinen
Dee fluffegen Dessert aus Frankräich
Pesto mat Muertegréngs
Lecker Pesto Alternativ, fir d’Muertegréngs och mol ze benotzen
Äppeltaart Smoothie
Ee gesonde Smoothie dee no Äppeltaart schmaacht
Lasagne
E Klassiker, veganiséiert
Eisekuch mat tierkeschem Flair (Baklava-Topping)
Eisekuch mat Baklava-Geschmaach, wéi deen tierkesche séissen Dessert mat Pistaschen.
Bouillon mat Pak Choi
Eng Zopp mat vill gesondem Geméis
Carrot Cake Muffins
E Rezept fir de Rescht Muerte vun Ouschteren ze benotzen.
Chai Latte
En ayurvedeschen Drink mat ville Gewürzer
Brioche mat Schockelasstécker
Perfekt fir d'Ouschterzäit
Hieselnoss Smoothie
E gudde Smoothie fir en Energiekick!
Miso Zopp
Eng authentesch japanesch Zopp
Kniddelen
Lëtzebuerger Rezept perfekt fir den Enn vum Wanter
Crèmeg Champignonszooss fir Pasta
Op Basis vu Cashewnëss
Veganen Cheesecake Parfait
E schnellen Dessert, perfekt fir Vältesdag
Verwuerelter
Déi vegan Versioun vum Lëtzebuerger Klassiker fir Fuesent
Nuddele mat rouder Paprikazooss
Crèmeg Zooss mat gereechertem Paprika
Vegan Carbonara
E Pasta-Klassiker, veganiséiert
Vegane French Toast
Perfekt fir ee séisse Brunch!
Pizza
En einfacht Rezept fir e flotte Pizzaowend doheem
