Ernärung uechter d'Welt
Destinatioun Norwegen
4 min
Mir reesen no Norden, an dat néngt gesondste Land vun der Welt, d‘Land vun de Fjorden: Norwegen.
Déi traditionell norwegesch Ernärung, och als Wikingerdiät bekannt, charakteriséiert sech duerch vill regional Geméis, Uebst an allméiglech Zorte vu faarwege Bierefriichten, déi well do wuessen.
Déi Haapteewäissquell sinn d‘Fësch, virun allem Saumon, Makréil oder de Skrei, de Wanterkabeljau, deen an de Lofote gefëscht gëtt.
Dernieft sti Rendéier oder Elch a Schofsfleesch um Menu. Well d’Summere kuerz an d’Wantere laang sinn, gëtt ganz grousse Wäert op gutt Konservéirungsmethode geluecht, wéi gedréchenten oder gereecherte Fësch a fermentéiert Uebst a Geméis.
An Norwege gëtt et keng Pyramid, mee e groussen Disk fir gesond Ernärung duerzestellen.
Eng Rei Studien hu gewisen, datt dësen Iessstil, ähnlech wéi bei der mediterraner Diät, de Stoffwiessel verbessert an de Risiko vun Häerzkreeslaferkrankungen erofsetzt. E gouf als d’Wikingerdiät bekannt.
Reference:
https://www.bzfe.de/service/news/aktuelle-meldungen/news-archiv/meldungen-2023/juli/neue-nordische-ernaehrungsempfehlungen/.(s.d.). Récupéré sur https://www.bzfe.de.
https://www.fao.org/nutrition/education/food-dietary-guidelines/regions/countries/norway. (s.d.). Récupéré sur https://www.fao.org.
https://www.fischausnorwegen.de/rezepte/.(s.d.). Récupéré sur https://www.fischausnorwegen.de.
Presentéiert vum
- Angie Maquil
