De Sample vun der Woch
Melissa Morgan - Fool's Paradise
8 min
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin. Si ass 1964 zu Queens, New York gebuer. Si huet hire Start an d'Museksindustrie mat engem Gospelchouer gemaach. D'Morgan zitéiert Chaka Khan als e groussen Afloss. Si war als éischt Leadsängerin vun der Grupp Shades of Love. Hiren éischte richtegen Dance-Hit war 1982 mam Lidd "Body to Body (Keep in Touch)". Am selwechte Joer huet de Musekentrepreneur Jacques Fred Petrus gefrot ob si a senger neier Grupp High Fashion matspillt. Déi sollt aus dem Morgan an zwee aner Sänger aus New York bestoen, den Eric McClinton an Alyson Williams. High Fashion hat een eenzegen Hit, "Feelin' Lucky Lately". 1983 ass d'Morgan gaangen a gouf am Grupp duerch d'Jazz Sängerin Marcella Allen ersat. D'Morgan huet dunn als Back Sängerin mam Chaka Khan, Whitney Houston a Melba Moore geschafft. Als Solo-Kënschtlerin war si mat hirer Reprise vum Prince sengem "Do Me, Baby" fir 3 Wochen un der Spëtzt vun den R&B-Charts. Dat gouf och den Titeltrack vun hirem Debutalbum. Vun deem Album staamt och dat Lidd vun deem mir haut schwätzen "Fool's Paradise". Wéi gesot, et mierkt ee staark den Afloss vu Chaka Khan, mee d'Morgan probéiert si awer an kenger Hisiicht nozemaachen. Si huet selwer eng kräfteg Stemm a liwwert hei en kompromësslosen R'n'B. Si klengt selbstsécher an erwuessen a schwätzt Fans vun zum Beispill Luther Vandross oder Freddie Jackson un.
Dëst huet och d'Mary J. Blige verstan, wou si den Refrain vum Jay-Z sengem Lidd "Can't Knock The Hustle" iwwerholl huet. Leider ass si, wéinst engem internen Konflikt beim Label Roc-A-Fella, net am Jay-Z sengem kultesche Video vun deemools ze gesinn.
Mee de Big L hat scho virdrun eng Versioun mam selwechte Sample opgeholl, wou awer ni erauskomm ass. Hei ass d'Lidd "Hit It".
Eng bësse méi witzeg Versioun huet den MC Bomber viru kuerzem erausbruecht, an zwar "Münzmallorca" zesummen mam Karate Andi & Rokko Weissensee.
Episoden
Deniece Williams - Free
Der Deniece Williams hir véier-Oktaven-Sopranstëmm huet si zu engem vun de markantsten Talenter vun der Soul Ära gemaach.
Marvin Gaye - After the Dance
Dem Marvin Gaye säi 14. Studio-Album, ee ganz gelongenen Nofollger vu "Lets Get It On". De Stil kann een als fréien Disco Konzept-Album bezeechnen.
Otis Redding - Try A Little Tenderness
Dem Otis Redding seng Interpretatioun vum Lidd "Try A Little Tenderness"
Sly & the Family Stone - Sing a Simple Song
Ee vun de bekanntste Breaks, déi am Hip-Hop gesampelt goufen: op ganze 462 Lidder.
Dorothy Ashby - The Windmills of your Mind
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert.
Herbie Hancock - Watermelon Man
Dem Hancock seng 12. LP (1972) brécht d'Barriären tëschent Jazz, Funk a Rock, bréngt den Jazz-Fusion Genre an den Mainstream a säi kënschtlereschen a kommerziellen Duerchbroch.
Kool & the Gang - Little Children
Kool & the Gang sinn eng vun de bekanntste Funk Bands vun de 70er an R'n'B Gruppe vun den 80er an hu mat hiren 23 Albumen a 70 Maxien iwwer 70 Millioune Placke verkaf.
Curtis Mayfield - Move On Up
D'Lidd vun 1970, ronn néng Minutte laang, war ursprénglech kee mega Hit, mee gouf mat de Jore méi bekannt.
Shocking Blue - Love Buzz
Shocking Blue, en hollännesche Quartett, war eng erfollegräich psychedelesch Rock-Grupp an de 70er an hunn iwwer zéng Millioune Placken insgesamt verkaf.
Charles Bradley - The World
Den Charles Bradley aka "The Screaming Eagle of Soul" huet laang gebraucht fir bekannt ze ginn, a säi Glanz huet och leider just kuerz gedauert.
Billy Cobham - Stratus
De Billy Cobham gëtt generell als de beschten Drummer vum Jazz Fusion Genre ugesinn.
Goblin - Suspiria
Goblin ass eng italieenesch Prog Rock Band. Déi meescht vun hiren Albume si Soundtracks fir Horrorfilmer, déi gréisstendeels vum Dario Argento gemaach goufen.
Jean Claude Vannier - Les gardes volent au secours du roi
Dem Jean Claude Vannier säin Afloss als Komponist, Arrangeur, Dirigent oder Produzent ass bei der franséischer Chanson a Filmmusek quasi net ewech ze denken.
Jean-Luc Ponty - Farewell
De franséische Museker, 1942 an der Normandie gebuer, spillt fréi am Philharmoneschen Orchester zu Paräis, éier hie seng Gei a verschiddenen Jazz Bands integréiert.
David Bowie - Let's Dance
Den David Bowie ass ee vun de berüümtste Museker vum 20. Joerhonnert mat iwwer 100 Millioune verkaaften Albumen. "Let's Dance", säi 15. Album, kënnt 1983 eraus.
The Beatles - Glass Onion
Jiddweree kennt de Beatles hire "White Album". Vill Leit kennen dem Jay-Z säi "Black Album". Wat kënnt eraus, wann ee Schwaarz a Wäiss mëscht? Gro natierlech.
Heatwave - The Star of a Story
Heatwave war eng Funk-Disco Band, déi 1975 entstanen ass. "The Star Of A Story" ass op hirem zweeten Album "Central Heating".
Fabio Frizzi - The Beyond
Deen italieenesche Filmdirekter Lucio Fulci huet 1981 ee vu senge Meeschterwierker erausbruecht, dee kultesche Film "The Beyond" mam Soundtrack komponéiert vum Fabio Frizzi.
Minnie Riperton - Lovin You
Der Minnie Riperton hiert Lidd "Lovin You" koum 1975 eraus a war op hirem Album "Perfect Angel".
