De Sample vun der Woch
Fabio Frizzi - The Beyond
10 min
Deen italieenesche Filmdirekter Lucio Fulci huet 1981 ee vu senge Meeschterwierker erausbruecht, an zwar dee kulteschen Film "The Beyond" mam Soundtrack komponéiert vum Fabio Frizzi. Wann Dir jeemools en italieeneschen Horrorfilm gekuckt hutt, da sinn d'Chancë grouss, datt Dir schonn e Lidd vum Frizzi héieren hutt. Hie komponéiert nämlech Filmmusek zanter hien 23 Joer al ass an huet sech zimmlech séier op den Horrorgenre spezialiséiert. De Frizzi a Lucio Fulci hu schonn dacks op aner Filmer zesummegeschafft, mee deen heiten ass ganz besonnesch interessant. De Frizzi seet nämlech, et wier déi éischte Kéier, wou hien Opname vun enger Live-Band an engem Orchester konnt mixen. Effektiv geet seng Musek a vill Richtungen: vum klassesche Leitmotiv um Piano gespillt, bis zur funky Bassline, bis zu richtegem progressive Rock ass alles dran. Seng grouss Innovatioun war och Sounds vu sengem Mellotron Keyboard mat engem richtege Chouer ze vermëschen, wat dat Ganzt nach méi grujeleg mécht. Dem Rollingstone-Magasinn no ass dat deen eeleft beschten Horrorfilm-Soundtrack, dee jee geschriwwe gouf. Fir Amateure vun dësem Genre kéint ee soen, datt et eng Mëschung vu Goblin an Ennio Morricone ass. D'Melodië si catchy a baue sech progressiv bis zum grousse Finale op.
De Meeschter vum Horrorfilm-inspiréiertem-Rap aka den Necro ass natierlech deen éischten, deen dësen düstere Sample benotzt huet, an zwar fir säi Lidd "As Deadly As Can Be". Dat ass den eeleften Track vu sengem Album "Death Rap". Den Necro komponéiert seng Beats ëmmer selwer, säi Brudder, den Ill Bill, ass och gefeatured. Et koum 2007 op sengem eegene Label Psycho+Logical-Records eraus. Inhaltlech ass et e bëssen eng Hommage un de Fulci, et ass eng Opzielung vu grujelege Biller a Situatiounen, déi perfekt bei dës Musek passen.
Postmortem, eng Hardcore Band aus Kazakhstan, hunn dee selwechte Sample 2007 op hirem Album "Macabre" och benotzt.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
