De Sample vun der Woch
DeBarge - I Like It
8 min
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet. Nieft verschiddene Solo Projete war DeBarge als Kollektiv aktiv tëschent 1979 an 1989. D'Grupp bestoung ursprünglech aus de Memberen El, Mark, Randy a Bunny DeBarge. Den James, Bobby an Chico DeBarge koume méi spéit bäi.
DeBarge huet sechs Studioalbumen erausbruecht, véier vun hinne bei der Motown Duechtergesellschaft Gordy Records, woubäi dee leschten dee meeschtverkaaften ass. Fir hiren éischten Album, dee kee Succès hat, hu si sech nach The DeBarges genannt. 1982 hu si hire Brudder James an de Cousin Cameron an d'Opstellung vun der Grupp bäigefüügt an nenne sech elo just nach Debarge. Si huele kuerz drop hiren zweeten Album "All This Love" an den Motown Studios op, mat der fermer Intentioun en Hit ze schreiwen, e bësse wéi d'Jackson 5 vun den 80er. Esou kënnt et dann och zu hirem Duerchbroch, besonnesch mam Lidd "I Like It", mat de super héijen Noute vum Refrain, gesongen vum El Debarge. D'Lidd koum am August 1982 eraus an huet et bis op Nummer 2 an den RnB Charts gepackt a war och gläichzäiteg an de Pop Charts. No dësem Erfolleg gouf d'Grupp vum deemolege Superstar Luther Vandross ausgewielt fir hien op senger "Busy Body Tour" ze begleeden. Fir d'Grupp ass et leider duerno net méi esou gutt ausgaangen, si krute warscheinlech Problemer mat Motown an ënner sech.
Mee de Refrain vun "I Like It" gouf bal 100 Mol am Hip-Hop gesampelt. Dat bekanntste Beispill ass warscheinlech vum Grand Puba, deen d'Hook quasi eent zu eent iwwerhëlt. Säi Lidd heescht och "I Like It (I Wanna Be Where You Are)" a kënnt 1995 op sengem Album "2000" eraus.
Warren G iwwerhëlt de Sample och fir seng Westcoast Hymne "I Want It All" vu sengem Album mam selwechten Numm. Dee koum 1999 eraus a war featuring Mack 10.
De Sample gëtt duerch d'Joerzéngten ëmmer nees benotzt, e rezent Beispill ass "The Baddest" vum Joey Bada$$ sengem leschten Album, deen och "2000" heescht. Den Track ass erstaunlecherweis vum P Diddy begleet.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
