De Sample vun der Woch
Sister Sledge - He's the Greatest Dancer
10 min
Sister Sledge ass eng amerikanesch Grupp aus Philadelphia, Pennsylvania. Gegrënnt am Joer 1971, besteet d'Grupp aus den Schwësteren Debbie, Joni, Kim a Kathy Sledge. Si hunn eng Handvoll Singles Ufank 70er erausbruecht an haten souguer Optrëtter zu Tokyo an hunn och 74 am Zaire nieft dem James Brown wärend dem Rumble in the Jungle Boxing Event gespillt. Si hunn eng gescheit Mëschung vun Pop-R&B am Genre vun den Jackson 5, Philly Soul, Funk an Disco gespillt. D'Grupp huet vill op der Eastcoast getourt, dorënner New York, New Jersey, an Heemechtsstad Philadelphia. Virun 1979 war Sister Sledge kee grousse Numm an der R&B/Disco Welt. Si erreechen hire kommerziellen Héichpunkt wärend der Disco Ära, hiren Duerchbroch hunn si 1979 mat hirem Album "We Are Family". D'Leit, déi fir hire kommerziellen Erfolleg zoustänneg waren, sinn den Nile Rodgers a Bernard Edwards. Déi 2 Memberen vun der Grupp Chic hunn all d'Schreiwen, d'Produktioun an d'Arrangement vun dësem Album geréiert. Niewend senger Grupp Chic ass den Nile Rodgers verantwortlech fir Welthits vun Diana Ross, David Bowie, Madonna, an an der lescht souguer Daft Punk oder Beyoncé. Et ass also net iwwerraschend, dass bal alles op "We Are Family" e bëssen no Chic klengt. Dat stemmt besonnesch fir déi 2 Titelen "We Are Family" an "He's the Greatest Dancer". D'Grupp gouf fir e Grammy Award nominéiert an "We Are Family" gouf als offiziell Hymn fir d'Baseball Equipe "Pittsburgh Pirates" ugeholl, déi dat Joer d'Weltmeeschterschaft gewonnen hunn. Doropshin war Sister Sledge invitéiert fir d'Nationalhymn beim Eröffnungsspill virun 45.000 Fans ze spillen.
"He's the Greatest Dancer" gouf vum Will Smith a senger 1997 Nummer 1 Hit Single "Gettin' Jiggy wit It" gesampelt, déi éischt Single, déi hie vu sengem Album "Big Willie Style" erausbruecht huet.
Am Joer 2000 huet den DJ Tony Touch eng nei Versioun vum Lidd opgeholl, mam Titel "I Wonder Why? (He's the Greatest DJ)," deem seng Texter vum Keisha Spivey a Pam Long vun der R&B Girl Group Total gesongen goufen. Dat war op sengem éischten Album "The Piece Maker".
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
