De Sample vun der Woch
Dorothy Ashby - The Windmills of your Mind
7 min
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert, zum Beispill Dusty Springfield oder José Feliciano, mee hei schwätze mir vun der Ashby hirer Versioun. Et war un der Ashby hirem aachte Solo Album "Dorothy's Harp", deen 1969 um Cadet Label erauskoum. Et ass e funkeschen Album mat Melodien, déi gären am Kapp hänke bleiwen. D'Dorothy Ashby ass eng Jazz Harfspillerin, déi 1932 zu Detroit gebuer gouf. No enger klassescher musikalescher Erzéiung huet si sech op d'Harf spezialiséiert. D'Harf ass en Instrument, dat dacks vergiess oder op der Säit gelooss gëtt. D'Ashby huet dësem Instrument eng zweet Jugend geschenkt, andeems si et op enger ausseruerdentlech funky Aart a Weis benotzt huet. Si hat enorm Schwieregkeeten sech wéinst hirer Hautfaarf als Harfspillerin ze imposéieren. Puer Jazz-Museker hu sech och dogéint gewiert, eng Harf an hir Formatioun eranzehuelen, well d'Harf éischter mat klassesch Musek associéiert gëtt. Dat heescht am Ufank war d'Ashby eleng ënnerwee oder mat hirem Mann un den Drums, an engem anere Museker op der Flütt. Finalement huet si et fäerdeg bruecht d'Harf perfekt an den Jazz-Milieu ze integréieren. Souguer de Bill Withers oder Stevie Wonder hu spéider op der Ashby hir Lidder zeréckgegraff.
Der Dorothy hiert "The Windmills Of Your Mind" gouf e puermol am Hip-Hop gesampelt, zum Beispill am selwer produzéierte "Locked" vum Rapper Pacewon. De Sample gëtt hei onverännert an engem Stéck geloopt a mat enger Perkussioun hannerluecht, wärend de Pacewon doriwwer rappt.
E bëssen anescht verleeft et beim Pete Rock produzéierten "All I Know" vum Rapper a Beatboxer Rahzel. Hie zerschnëppelt hei de Sample bis en net méi ze erkennen ass a gëtt deem Ganzen eng nei Dynamik.
E lescht Beispill ass d'Mélat an hire liichten R'n'b an hiren Titel "Fanclub" vun 2014. Den Track ass produzéiert vum kalifornesche Beatmaker Jansport J.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
