De Sample vun der Woch
Kool & the Gang - Little Children
9 min
Kool & the Gang sinn eng vun de bekanntste Funk Bands vun de 70er an R'n'B Gruppe vun den 80er. Si hu mat hiren 23 Albumen a 70 Maxien iwwer 70 Millioune Placke verkaf. D'Grupp gouf 1964 zu New Jersey vun den zwee Bridder Robert a Ronald Bell gegrënnt, zesumme mam Dennis Thomas, Robert Mickens, Charles Smith, George Brown a Ricky West. Dem Robert Bell säi Spëtznumm war "Kool" an esou koum et dozou, datt si sech ganz einfach Kool & the Gang genannt hunn. Déi aacht héichtalentéiert Museker kréien 1970 hiren éischte Placken-Deal bei De-Lite Records. Am Ufank ware si eng reng instrumental Jazz Band mat Funk Aflëss. Well ee si net richteg konnt aklasséieren, krute si net wierklech dee Succès, dee si erwaart haten. Dorops hin hu si hir Richtung an hire Manager gewiesselt. Beim véierten Album hu si mat villen Disco Elementer geschafft a waren du méi zougänglech. Si haten hiren éischten Duerchbroch mat Lidder wéi zum Beispill "Spirit Of The Boogie" oder "Summer Madness". 1976 hu si hiren aachten Album erausbruecht, ëm deen et hei geet: "Open Sesame". Et war scho bal d'Enn vun der Disco Period an och hire Sound huet do drënner gelidden. Obwuel den Album eng Goldgrouf u Samples a Melodien ass, goung hire Succès zeréck. Den Titeltrack "Open Sesame" war bekannterweis um Soundtrack vum Film "Saturday Night Fever", mee all déi aner Lidder hunn et net bis op den Dancefloor gepackt.
De bizaren a launesche "Little Children" gouf eng Dose Mol am Hip-Hop gesampelt. Quasimoto aka Madlib bréngt 2000 säin éischten Album bei Stonesthrow eraus. Et ass ee vun de bedeitendsten Albume vun der neier Underground Westcoast Rap Zeen. "The Unseen" ass e Musterbeispill u Kreativitéit. De Madlib baut hei e komplexe Puzzle, deen aus Elementer vu psychedeleschem Rock, Funk, Jazz besteet a mixt dat Ganzt mat Humor, andeems hie seng Stëmm wéi ënner Helium eroppitcht. Esou ass et och kee Wonner, datt hien hei Kool & the Gang sampelt fir säin "Money Hungry Bitches" doraus ze maachen.
"Doe or Die" ass dem AZ säin Debut-Album, deen 1995 erauskoum. Buckwild produzéiert him de Beat fir säi Lidd "Ho Happy Jackie" a benotzt och de Kool & the Gang hire Sample.
E bëssen als duebelen Hommage bréngen de Retrogott a Flowmega 2009 hiren "Money Hungry Children" beim Kölner Label Melting Pot eraus. De Beat ass gebastelt vum Twit One a gouf als limitéiert 7 Inch gepresst.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
