De Sample vun der Woch
Jean-Luc Ponty - Farewell
6 min
De franséische Museker, 1942 an der Normandie gebuer, huet vu sengen Elteren eng klassesch musikalesch Erzéiung kritt a scho fréi Gei am Philharmoneschen Orchester zu Paräis gespillt. Donieft huet hien ugefaange kleng Jobben an Jazzbands unzehuelen a sech fir Leit wéi Miles Davis oder John Coltrane ze interesséieren. Dat war en entscheedende Moment a sengem Liewen. Hien huet fir d'éischt e bësse Klarinett a Saxofon gespillt, éier hien definitiv seng Gei an déi verschidden Jazz Bands integréiert huet. Hien erfënnt lues a lues nei Weeër Gei ze spillen an etabléiert dëst Instrument als e legitimmen Deel vun engem Jazz Orchester. Seng Aart a Weis Gei ze spillen inspiréiert sech u Bléiser a mat 22 bréngt hien esou säin éischten Album eraus "Jazz Long Playing". Seng gréisste Leeschtung ass et eis Siicht op Jazz-Violin ganz ze veränneren. Well hie sech an Europa ze vill ageengt an an en Tirang geraumt fillt, emigréiert hien an d'USA, wou hie mat Leit wéi Frank Zappa, Elton John oder George Duke zesummeschafft. Säi Succès kennt do keng Grenzen an hien huet e groussen Afloss op Jazz- an Rock-Fusiounen. Hien experimentéiert och gären an ass ee vun deenen éischten, deen eng Wah-Wah oder eng Distortiouns-Pedall u seng Gei uschléisst. Hien ass e Pionéier a mixt elektresch an akustesch Gei-Sounds an dréit och zur Entwécklung vu Synthesizer a Sequenzer bäi.
1979 bréngt hien den Album "A Taste For Passion" eraus, mat e puer wichtege Samplen drop. Éischtens gouf mat engem Deel vum Lidd "Reminiscence" den aktuellen Hit "No Remorse" vu Ransom an Rome Streetz op hirem Projet "Coup de Grace" produzéiert. De Beat ass vun engem gewëssene Streezy komponéiert a koum leschten Oktober eraus. Dem Ponty seng Gei passt perfekt bei hir düster Stëmmung.
Eng aner interessant Utilisatioun vun engem Sample vum Jean-Luc Ponty sinn NTM mat hirem "On est encore là". De Kool Shen a Joey Starr benotzen dem Ponty säi Lidd "Farewell". De Beat ass produzéiert vum Madizm. D'Lidd war op hirem véierten a leschten Album "Suprême NTM" vun 1998. Et gouf e bësse wéi eng Hymn an den Ufäng vum franséische Rap ugesinn.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
