Aus dem Liewen
GERO - Kompetenzzenter fir den Alter
7 min
Am Alter ännere sech d‘Bedierfnesser, och wat d'Wunnen ugeet. D’Leit stelle sech Froen, wann et ëm hir Wunnsituatioun geet a vergläiche verschidde Léisungen, wéi betreit Wunnen an Altersheemer. D'Haaptzil ass et, esou laang wéi méiglech autonom ze bleiwen an trotzdeem eng sécher a sozial integréiert Ëmwelt ze fannen.
D'Wunnbedierfnesser am Alter si villfälteg. Altersheemer bidden eng ëmfaassend Betreiung mat engem fixe Fleegesystem, Gemeinschaftsraim an engem Restaurant. Vill Mënsche wëllen awer esou laang wéi méiglech autonom bleiwen an dofir ass betreit Wunnen eng attraktiv Alternativ. An dëser Wunnform huet ee méi Autonomie, awer och Sécherheet duerch en Telealarm an Hëllef, wann néideg. Am Géigesaz zum Altersheem gëtt et hei keng Restauratioun oder Animatiounsprogrammer.
Vill Leit entscheeden sech fir betreit Wunnen, well d’Appartementer barrièrefräi sinn a besser fir Leit mat Mobilitéitsaschränkungen adaptéierbar si wéi grouss Haiser. Zousätzlech bidde se Méiglechkeete fir sozial Kontakter, besonnesch fir déi, déi eleng wunnen. Beim Kaf oder Locatioun vun esou Wunnenge soll een op d’Accessibilitéit, de Präis pro Meter Carré an d'Chargen oppassen. Wichteg ass och d’Qualitéit vun den Aktivitéiten, déi ugebuede ginn.
Zum Schluss ass d'Wiel vun der Wunnform am Alter perséinlech. Fir vill Leit bleift d’Zil, esou laang wéi méiglech doheem ze liewen, an intergenerationelle Wunngemeinschaften eng nei Plaz ze fannen oder awer nach eng ganz aner Form vun Zesummeliewen, déi et nach net gëtt …
Mam Alain Brever Direkter vum Gero Kompetenzzenter fir den Alter (www.gero.lu / www.infosenior.lu
Presentéiert vum
- Angie Maquil
Episoden
