Aus dem Liewen
(KJT) Kanner-Jugendtelefon
6 min
Virstellung Elterentelefon vum KJT den 8002 4444
Am Oktober d’lescht Joer krut den Elterentelefon eng nei Nummer, den 8002 4444, an domat stelle sech eng ganz Rei Froen.
Firwat eng nei Nummer? Firwat gëtt et den Elterentelefon? Wien notzt deen? Wie sinn d’Beroder? Ass den Elterentelefon och anonym a vertraulech? Wéini kënnen d’Elteren sech heihi wenden? Wéini soll ech mir als Elterendeel Suerge maachen a mir Hëllef siche goen? Wéini kann ech net un den Elterentelefon uruffen?
Kann ech mech als Bomi oder Bopi, Tatta oder Monni och u si wenden? A kënnen och Professioneller sech heihi wenden?
D’Äntwert ass ganz kloer “Jo”. Jiddereen, deen a Kontakt ass mat engem Kand, als Bezéiungsberechtegten, als Vertrauenspersoun sech vläicht Suerge mécht oder sech Froe stëllt ëm e Kand, si all sinn hei wëllkomm.
“D’Eltere kënne sech mat all Fro, all Suerg, all Theema un eis Wenden, déi Family a Co. betreffen. Mir soen ëmmer ‘Kee Problem ass ze kleng, keen ze grouss’. Ëmmer wann déi kleng Boule am Bauch sech manifestéiert, een esou en ongutt Gefill huet, d’Gedanken sech am Krees dréien, d’Suergen een net méi lassloossen, Dir Iech iwwerfuerdert fillt, da bleift net eleng. Huelt den Telefon a rufft un”.
D’Beroder kennen op Lëtzebuergesch, Däitsch, Franséisch beroden. Engleschsproocheg Eltere sinn op eiser ganz neier engleschsproocheger Permanence wëllkomm, déi ëmmer méindes owes vun 18-20 Auer ass, oder si kennen eis och online kontaktéieren.
Hei ass en Team vu spezifesch ausgebilten engleschsproochege Benevollen, déi gären hëllefen.
“Mir ginn Elteren eng Orientéierung, beroden si, a kënne si gegeebenefalls och weiderleeden un déi richteg Ulafstellen hei zu Lëtzebuerg”.
Méi Informatioune ginn et mat der Aline Hartz, Chargée de direction vum KJT (www.kjt.lu).
Presentéiert vum
- Angie Maquil
Episoden
Erzeiungs- a Familljeberodung
Eng kooperativ Eltereschaft ass grad bei Kanner mat getrennten Eltere ganz wichteg. D’Erzéiungs- a Familljeberodung ënnerstëtzt Famillen op dësem dacks schwéiere Wee.
Eltereschoul J. Korczak
Triple P, Positiv Parenting Programm, heescht fräi iwwersat positiven Erzéiungs- oder Eltereprogramm. Zanter 20 Joer am Programm vun der Eltereschoul - 1/2
natur musee
Geodiversitéit an Geoheritage
GERO - Kompetenzzenter fir den Alter
Ob ee jonk Leit freet oder méi eeler Leit, déi meescht wëllen am Fall vu Fleegebedürftegkeet doheem bleiwen.
CID | Fraen an Gender
Fraen zeréck hanner d’Dëppen? De Wonsch no traditionelle Geschlechterrolle vereent Incels, Antifeministen a Maskulisten.
ErwuesseBildung
Kreativitéit bei Kanner
