Zil vu BEE SECURE ass et, déi breet Ëffentlechkeet fir e méi sécherheetsorientéierten a verantwortungsvollen Ëmgang mat den digitalen Technologien ze sensibiliséieren an dobäi besonnesch Kanner, Jugendlecher an hiert Ëmfeld (Elteren, Léierpersonal, Erzéiungspersonal an anerer), mat cibléierten Offeren ze stäerken.
BEE SECURE agéiert a follgende véier Beräicher:
- Sensibiliséierung an Informatioun:
Duerch villsäiteg Offeren an Aktivitéite verbreet BEE SECURE Informatiounen an Tippen iwwer eng méi sécher Internetbenotzung. De Schwéierpunkt läit op telephonescher Berodung, ass anonym a vertraulech.
- Orientéierung a Berodung: D'BEE SECURE-Helpline ass e Berodungsdéngscht. Bei Froen iwwer den Internet an d'Sécherheet vun digitale Medie kann sech jiddweree beim Déngscht mellen, per Telefon oder Kontaktformular. D'telefonesch Berodung ass anonym a vertraulech.
Anonym Meldeplattform: D’BEE SECURE-Stopline ass eng Online-Plattform, op där 3 Kategorië vun Inhalter signaliséiert kënne ginn:
Duerstellung vu sexuellem Mëssbrauch vu Mannerjäregen (CSAM); Diskriminéierung, Rassismus, Revisionismus oder Haassried an
Terrorismus. Relevant Inhalter ginn un déi national Police oder aner zoustänneg Plaze weidergeleet.
- Trend-Monitoring: BEE SECURE behält déi neisten Online-Trends an -Entwécklungen am A, fir hir Aktivitéiten deementspriechend unzepassen. Observatioune vun der Initiativ BEE SECURE am Zesummenhang mat der Notzung vun digitalen Technologië bei Kanner a Jugendlecher zu Lëtzebuerg gi järlech am Rapport “BEE SECURE Radar” publizéiert.
Explikatioune vum Jeff Kaufmann vu BEE SECURE
Bei Froen zu Theeme wéi Internetsécherheet, Pishing, E-Crime, CSAM oder Deep Fakes, kann een engersäits uruffen op der Nummer 8002 1234 oder iwwer d’BEE SECURE Onlinesäit https://www.bee-secure.lu/ seng Froe schreiwen. Dat ass och alles ganz anonym, an et kascht näischt.
