Sot emol
Tommy Schlesser: "Glieser hallef voll gesinn"
51 min
Den Tommy Schlesser ass e Schauspiller, fir deen et am Filmgeschäft richteg gutt leeft. Zum Beispill ass hien an der zweeter Staffel vu "Capitani" ze gesinn - eng Serie, déi un Netflix verkaf gouf.
Am Kino stoung hien op der Affiche vun der spuenesch-lëtzebuergescher Koproduktioun "Lemon and Poppy Seed Cake". D'lescht Joer war hien zu Cannes um rouden Teppech fir de Film "Rebel" vum Adil El Arbi an Bilall Fallah, wou hien en IS-Kämpfer spillt.
An hie spillt och a "Läif a Séil" vum Loïc Tanson, an hie freet sech drop, wann "Die Bergretter" beim ZDF gewise ginn, um klengen Ecran, do wou Villes fir hien ugefaangen huet, notamment an Tëleesproduktioune vu Rosamunde Pilcher, oder "Das Traumschiff".
Den Tommy Schlesser huet schonn als Bouf mat sengem eelere Brudder Emile éischt kleng Filmer gedréit, de Fonke vun der Magie vun der Kamera ass jonk bei him eriwwer gesprongen. Dat, obwuel hien aus enger Famill vu Juriste kënnt. Säin Urgrousspapp, Grousspapp a Papp hunn dee Beruff ausgeüübt, an obwuel den Tommy Schlesser deen och ugehaangen huet, andeems hien Droit studéiert huet, ass hie séier nees vu senger Passioun dem Kino ugezu ginn.
Eigentlech wollt hien 2012 op Köln op d'Film Acting School goen, mee du krut hie seng éischt Roll ugebueden an der Lëtzebuerger Sitcom "Comeback". Dat war säin Debut. Säi Studium huet hien trotzdeem duerchgezunn, net zu Köln, mee zu Los Angeles.
2013-2014 hat hie seng eege Sketch-Comedy Serie "Wat Elo?" fir RTL Télé Lëtzebuerg, wou hien an circa 100 kuerzen Episoden zesumme mat sengem Brudder Émile Schlesser opgetrueden ass.
2015 war den Tommy Schlesser an enger Gaaschtroll an der däitscher RTL-Serie "GZSZ" als Austauschstudent Eike Habicht ze gesinn.
Am Kuerzfilm "Long Lost", deen als beschte Kuerzfilm beim Max Ophüls Preis nominéiert war, hat de Schlesser d'Roll vun engem jonke Strummert mat krimineller Vergaangenheet. 2018 war hien am lëtzebuergesche Kinosfilm "Superjhemp Retörns", nieft der Julie Kieffer an der Désirée Nosbusch ze gesinn.
Am Februar 2022 du fir vill Persounen e laang erwaarte Moment. Déi zweet Staffel vu "Capitani", an där hien d'Roll vun engem Drogeboss spillt.
D'Natasha Ehrmann féiert duerch d'Gespréich.
Episoden
Simone Beck
D'Historikerin a Professorin, fréier Direktesch vum Institut Pierre Werner ass haut un der Spëtzt vun der Lëtzebuerger Unesco Kommissioun.
Tom Hecker
De President vu Rosa Lëtzebuerg, der nationaler LGBTIQ Organisatioun, déi sech fir d'Rechter an d'Interête vun den LGBTIQ+ Communautéiten asetzt
Alex Reding
De Papp a Kapp vun der Luxembourg Art Week, dee Konscht studéiert huet, selwer Sculpteur ass, an dëst Joer mat senger Galerie 20 Joer feiert, ass Invité.
Lucien Kayser
De Literatur- a Konschtkritiker, Franséischproff, Philosoph a fréiere FIFA-Fussballsarbitter Lucien Kayser ass den Invité.
Gregory Melmer
De Schoulmeeschter an Improvisatiounsartist ass den Invité.
Tom Hecker
De President vu Rosa Lëtzebuerg, der nationaler LGBTIQ Organisatioun, déi sech fir d'Rechter an d'Interête vun den LGBTIQ+ Communautéiten asetzt
Carole Lorang
Déi aktuell Directrice vum Escher Theater, Theaterregisseurin a fréier Presidentin vun der Theaterfederatioun ass d'Invitée.
Eric Mangen
De Kënschtler schafft vill am ëffentleche Raum, als Street Artist ass hien an der Haaptsaach dofir bekannt, datt hien aus Fassade Konschtwierker mécht.
Jos Stutz
Viru ganz Kuerzem gouf dem Invité eng Liewer transplantéiert: Vun engem Ament op deen aneren ännert d'Liewen, an eng Transplantatioun gëtt den Traitement vum Choix.
Ben Thuy
Mam Paleontolog vum natur musée sicht no Fossilien an erfuerscht dës fir d'Entwécklung vu Liewewiesen an engem bestëmmten Ëmfeld besser kënnen ze verstoen.
Serge Basso de March
De fréieren Direkter vun der Escher Kulturfabrik, Auteur, a virun allem och Poet ass zanter dem leschte Joer an der Pensioun.
