De Sample vun der Woch
The Time - 777-9311
12 min
Am Sample vun der Woch hu mir seelen oder nach guer net iwwer de Genie vum Prince geschwat. Dës Kéier geet et ëm d'Grupp The Time, en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert. De Prince gëtt och just ënner sengem Pseudonym Jamie Starr op den Time-Albumen ernimmt. Den eenzegen Deel, deen net vum Prince agespillt gouf, ass de Gesang vum Lead-Sänger Morris Day: dat war e Kandheets-Kolleeg vun him.
All d'Museker sinn talentéiert Kënschtler a stamen aus Mineapolis. The Time ass entstanen, well de Prince e produktive Kënschtler war, a säi Label dat erkannt huet. Warner Brothers huet him also erlaabt dësen Nieweprojet ze kreéieren. Dëst huet fir de Prince gutt geklappt, well hien nieft senger eegener Musek nach aner Saache konnt erausbréngen, an hien doduerch och eng eege Support Band fir seng Touren hat.
The Time hu vläicht net d'Musek op hiren Albumen geschriwwen oder gespillt, awer si ware voll kapabel live op enger Bün ze rocken. D'Lidder vu The Time klenge wéi verlängert Synth-Funk Jams vun aacht bis zéng Minutten an erënneren um Prince seng bescht "Dirty Mind" Ära. D'Band huet véier Funk-Albumen erausbruecht, an engem liichten an humoristeschen Toun, staark beaflosst vu Rick James, Funkadelic, Parlament, James Brown a Sly Stone. Hir Rumzäit war Ufank 80er. Hiren zweeten Album "What Time Is It?" am Joer 1982 ass besonnesch bemierkenswäert a begeeschtert Hardcore-Prince-Fans duerch Lidder wéi zum Beispill "777-9311".
Dësen erstaunlechen Titel gouf e puer Mol gesampelt, wéi zum Beispill vum 2Pac op sengem "What'z Ya Phone Number" vu sengem Album "All Eyez On Me" vun 1996.
Iwwerraschenderweis huet d'Fastwood-Chaîne Mc Donalds den Justin Timberlake dozou kritt e Lidd mat engem Jingle opzehuelen. Hei ass also "I'm Lovin' It", produzéiert vum Pharell Williams vun den Neptunes, 2003 op engem Sample vu The Time.
Episoden
Soft Machine - Drop
Soft Machine ass eng englesch Band vun 1966. Hire Sound geet vu progressivem Rock bis Jazz Fusion. 1972 kënnt hire fënneften Album eraus mam Titel "5".
Brick - Dazz
"Good High" ass deen éischten Album vun der Grupp Brick, 1976 bei Bang Records erauskomm.
Bernard Wright - Who Do you Love
Den Bernard Wright bréngt 1985 dëst wonnerbaart Lidd eraus um Album "Mr. Wright". Hien huet viru senger Solokarriär mat Leit wéi Miles Davis oder Cameo opgeholl.
Teena Marie - Square Biz
D'Teena Marie war eng amerikanesch Singer-Songwriterin, déi vun 1956 bis 2010 gelieft huet. Si hat grousse Succès a gouf och "The Ivory Queen of Soul" genannt.
James Brown - Funky President (People It's Bad)
Et ass schwéier eng Sendung iwwer Samplen ze maachen ouni den James Brown ze erwänen. Hien ass dee meeschtgesampelte Kënschtler vun allen Zäiten.
The O'Jays - For the Love of Money
Déi amerikanesch R'n'B Grupp aus Ohio bréngt d'Lidd 1974 eraus.
Taana Gardner - Heartbeat
1981 erauskomm an eng vun deene beschte Pop-Single vun den 80er Joren
David Axelrod - The Sign
Den David Axelrod kënnt vu Los Angeles a gouf dacks gesampelt. Hie war eigentlech Soundtechniker an huet vill Gruppen opgeholl.
Mulatu Astatke - Kasalefkut-Hulu
De Mulatu Astatke ass e bunnbriechende Museker, deen 1945 an Äthiopie gebuer gouf.
Rick James - Mary Jane
1978 kennt dem Rick James seng zweet Maxi "Mary Jane" eraus.
Tom Tom Club - Genious of Love
Déi zweet Maxi vum éischten Album vun Tom Tom Club koum 1981 eraus. Den Album huet och "Tom Tom Club" geheescht an ass eng puer Goldgrouf u Samplen.
Meena Kapoor - Chandhi Ka Badan
1963 kënnt den historeschen Hindi Film "Taj Mahal" mam Lidd "Chandhi Ka Badan" eraus, ausserhalb vun Indie gréisstendeels onbekannt, mee als Bollywood Musical e grousse Succès.
Dennis Edwards & Siedah Garrett - Don't Look Any Further
Dem Soul an R&B Sänger säi gréissten Hit (1984) als Solo-Artist
Al Green - I'm Glad You're Mine
Ee vun den bekanntsten Drum Loops aus dem Hip-Hop, 1972 erauskomm, staamt vum Al Green, Soul- an Gospel Sänger.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
Marvin Gaye - Inner City Blues (Make Me Wanna Holler)
1971 kënnt dëst Meeschterwierk hei eraus "Inner City Blues (Make Me Wanna Holler)" vum Sänger Marvin Gaye.
Grover Washington Jr. - Just The Two Of Us (Feat. Bill Withers)
1981 bréngt ee vun den bekanntsten Jazz-Saxofon-Spiller vun der Welt a Grënner vun der Smooth Jazz Branche dëst Lidd eraus.
Barry White - I'm Gonna Love You Just A Little More, Baby
Eng vun deene meescht gesampelte Perkussiounen am Hip-Hop
The Mohawks - The Champ
Ee vun de meescht gesampelten Songs iwwerhaapt, laut Google waren et 728 Mol. D'Lidd ass selwer e Cover vum Song "Tramp" vum Lowell Fulsom.
