De Sample vun der Woch
Meena Kapoor - Chandhi Ka Badan
0 min
1963 kënnt den historeschen hindi Film "Taj Mahal" vum Mohammed Sadiq eraus. De Film bleift ausserhalb vun Indie gréisstendeels onbekannt, mee huet als Bollywood Musical grousse Succès. D'Musek gouf geschriwwe vum Roshan Lal Nagrath.
De geléierte Museker ass 1948 op Mumbai geplënnert fir Aarbecht an der Filmmusek ze fannen. No enger Zäit gëtt hien de renomméiertste Filmmusek-Komponist vu senger Zäit. Säi Markenzeechen ass e Mix vu folkloristescher a klassescher indescher Musek.
Am Musical "Taj Mahal" sinn déi meescht Lidder vum Mohammed Rafi and Lata Mangeshkar interpretéiert, ausser am Lidd, ëm dat et hei geet, an zwar "Chandhi Ka Badan", gesonge vum Meena Kapoor.
Am Joer 2002 bréngt den Erick Sermonn "React" als éischt Single vu sengem fënneften Album eraus a benotzt genee dëse Sample. De Beat ass vum Just Blaze komponéiert, an den Erick Sermon rappt hei zesumme mam Redman driwwer.
Wat huet wuel dozou geféiert, datt den Just Blaze sech en indesche Bollywood-Film vun 1963 vun 2h30 eranzitt, an no annerhallwer Stonn sech hien op eemol seet "Hey, ech schneiden déi véier Sekonne Stëmm mol eraus, déi ech net verstinn, mixen et mat engem fette Beat a loosse meng Homies driwwer rappen"?
Ferm Kritik vun der indescher Communautéit
Dat ass warscheinlech ganz op dem Just Blaze säi Beatmaking-Genie zeréckzeféieren. Mee no enger Zäit koum eraus, datt de Blaze de Soundtrack vun "Taj Mahal" gesampelt huet, an hien huet ugefaange vun der indescher Communautéit kritiséiert ze ginn.
Firwat? Ma ganz einfach, déi genee Iwwersetzung vum deem gesampelten Deel, dee vun der Sängerin Meena Kapoor op indesch gesonge gouf (Kisi Ko Khudkushi ka shok ho tow uh huh kya kare) ass op Lëtzebuergesch iwwersat: "Wann iergendee sech selwer wëllt ëmbréngen, wat kënnt Dir do maachen?".
Well de Sermon jo keen indesch versteet, rappt hien doropshin a sengem Lidd "Whatever she said, then I'm that", wat souvill heescht wéi "Egal wat hatt gesot huet, ech sinn dat", dat huet et eigentlech nach méi schlëmm gemaach.
Schlussendlech gouf et awer déi erfollegräichst Single vum Erick Sermon zesumme mam Redman an ass nach ëmmer e bekannte Klassiker, dee gär op Hip-Hop-Partye gespillt gëtt.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
