De Sample vun der Woch
Marvin Gaye - Inner City Blues (Make Me Wanna Holler)
0 min
1971 kënnt dëst Meeschterwierk hei eraus "Inner City Blues (Make Me Wanna Holler)" vum Sänger Marvin Gaye. Et ass um Motown Records Ennerlabel Tamla Records erauskomm. Den Piano an de Gesang sinn vum Marvin Gaye selwer, seng Studio Museker heeschen Funk Brothers mat Eddie Brown un den Bongos an Bob Babbitt un der Bass. Et herrscht eng dreemeresch minimalistesch bal bluesesch Vibe wärend dem Lidd. Et war en risen Hit mat iwwert 1 Millioun verkaaften Maxien. Hien geet ewech vum typeschen Motown-Sound an léisst optimistesch Hits wei zum Beispill "I Heard It Through the Grapevine" wäit hannert sech. Den Gaye ass hei grad an senger Iwwergangsphase. Hien entwéckelt sech vun enger R'n'B Star zu engem selbstbewossten Soul Museker. "What's Going On" ass säin Meeschterwierk. Et ass en Konzeptalbum wou all d'Lidder aneneegräifen an eng grouss Geschicht erzielen - an zwar déi vun den Post-Vietnam-Zoustänn an Amerika: Aarmut, Polizeigewalt, Chômage,... asw. D'Kritik an den Publikum sinn sech eeneg: et ass en absolutten Soul-Klassiker vun 70er Joren! Laut der Lescht vun den 500 beschten Alben vum Rolling Stone Magasinn ass et souguer den beschten Album deen jee erauskomm ass! Et ass Mëschung aus depressiv, rosen an hoffnungsvoll Musek: et ass gläichzäiteg dark an jazzy, relax an déifgrënneg. Marvin Gaye ass leider ze vill frei gestuerwen, an zwar mat 44, erschoss vun sengem eegenen Pap.
Mc Solaar ass een vun deenen éischten wou d'Lidd gesampelt huet, an zwar op "Armand Est Mort" vun sengem éischten Album "Qui Sème le Vent Récolte le Tempo" vun 1991. Hien erzielt hei d'Liewen an den Dout vun engem Obdachlosen. Déi zwee éischt Alben vum MC Solaar sinn absolut Klassiker am franséischen Rap. Herno ass hien bëssen méi poppeg ginn, mee Ufank 90. steet MC Solaar fir méi liichten an accessibelen Rap. D'Lidd ass produzéiert vun Jimmy Jay, een vun den wichtegsten Bausteng am Ufank vum franséischen Rap. No e puer gewonnen DJ- Kontester gëtt hien den attitréierten Produzent vun MC Solaar an komponéiert zum Beispill dat heiten Lidd, wou hien den Gaye ganz geschmacksvoll gesampelt huet.
Den Coolio sampelt hei och di bekannten Bassline vum Gaye, an zwar op sengem 1. Album "It Takes a Thief" vun 1994. Dat ass den Album virun "Gangstas Paradise" duerch deen hien weltbekannt ginn ass. Den Album ass guer net sou schlecht an dem Coolio seng Texter leien guer net esou wäit vum Marvin Gaye sengen. Et geet och em Aarmut, Drogen an Korruptioun, mee ëmmer op optimistesch Beats gerappt, mat enger Touche vun Humor.
En anert Beispill ass hei den Scarface mat "A Minute To Pray And A Second To Die" vun sengem éischten Album "Mr. Scarface Is Back" vun 1992. Hien hat en risen Succès domadder! Zesummen mat Bushwick Bill ass hien en Member vun Geto Boys aus Houston, Texas. Hien huet sech quasi vum klengen Drogen Dealer als Teenager bis erop an d'Politik eropgeschafft. Hien bleift en Promi am Southern Rap Style.
Bone Thugs N Harmony hunn den Sample och benotzt fir hiren "20th Year Anniversary Cypher". Et geet hei em en Freestyle dee 10 Minutten dauert. Si rappen iwwert en einfachen Loop, produzéiert vun der Westcoast-Legende DJ Quik. Dat ganzt ass 2013 erauskomm. Hien mixt Sounds aus senger 808 mam original Sample zesummen.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
