De Sample vun der Woch
The O'Jays - For the Love of Money
0 min
Déi amerikanesch R'n'B Grupp aus Ohio bréngt d'Lidd 1974 eraus. D'Formatioun war 1958 entstanen, a si hat e puer kleng Hits wéi zum Beispill "Lonely Drifter" an den 60er, deemools ware si nach zu fënnef. Wéi d'Grupp gesinn huet, datt se warscheinlech ni grousse Succès wäert hunn, verloossen zwee Memberen d'Band. Mee am Joer 1972 kënnt alles anescht. Si stellen en neit Produktiounsteam an, Gamble & Huff, an ënnerschreiwe beim Philadelphia International Records Label.
Gamble & Huff si bekannt dofir, dee gréissten Deel vum Philly Soul Sound erfonnt ze hunn. Si hunn zum Beispill dem Billy Paul säin "Me and Mrs. Jones" produzéiert. Hir Produktioun ass gekennzeechent duerch knuspregen Drums an eng omnipresent Bassline - notamment ass bei dësem Lidd souguer e Wahwah an e Flanger Effekt op der Bass. Vun deem Moment u wéi The O'Jays vu Gamble & Huff produzéiert goufen, lande si een Hit nom aneren, spillen um Fernsee bei "Soul Train" a beherrschen déi amerikanesch Charts fir e puer Joer. Wa si dëst Lidd live gespillt hunn, hunn d'Zuschauer dacks en Dollarschäin erausgeholl an domat gedanzt. Hire politeschen Engagement war ni zweetrangeg, wéi een et um Cover vun hirem Album "Ship Ahoy" gesäit, wou d'Membere vum Grupp op engem Sklaveschëff illustréiert sinn.
Et huet net laang gedauert, bis de Sample dann och nees opgegraff gouf. 1985 huet de Grandmaster Melle Mel & The Furious Five effektiv d'Bassline gesampelt. Nodeems de Grandmaster Flash d'Furious Five verlooss hat, gëtt de Melle Mel de Leader vun der Grupp an huet mëttelméissege Succès mat e puer Lidder, notamment "Step Off". De Melle Mel spillt och eng kleng Roll am Film "Beat Street" an huet zu dëser Zäit e Lidd mat Chaka Khan erausbruecht, wat och zum Succès vu senger Rapgrupp bäidréit. Si bréngen dëst Lidd bei Sugar Hill Records eraus.
Eng aner interessant Utilisatioun ass vum DJ Rabauke an Dendemann, och bekannt als Eins Zwo vun Hamburg. Hiert Lidd heescht "Es ist nicht so wie du denkst" an ass en Deel vum Soundtrack vum Film "Kurz und schmerzlos". Dendemann ass ee vun den begaabtsten MCs aus Däitschland a beweist dat hei mat senge Wuertspillereien. D'Grupp huet sech 2003 getrennt, an den Dendemann ass säitdeem zäitweis op ZDFneo ze gesinn.
Et ginn nach eng ganz Rei Lidder, op deenen d'The O'Jays mol besser mol manner gutt gesampelt goufen, mee ee bizaart Beispill wier nach déi franséisch Sängerin Dalida. Si mécht 1980 eng Reprise op Englesch, esou gutt si kann. Et ass iergendwéi befriddegend, mee och bosseg ze gesinn, datt "For the Love of Money" et souguer bis an de franséische Pop gespackt huet.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
