De Sample vun der Woch
Tom Tom Club - Genious of Love
0 min
Déi zweet Maxi vum éischten Album vun Tom Tom Club heescht "Genious of Love" a koum 1981 eraus. Den Album huet och "Tom Tom Club" geheescht an ass eng puer Goldgrouf u Samplen. Tom Tom Club besteet à la Base aus der Koppel Tina Weymouth a Chris Frantz, woubäi aner Museker ëmmer spontan mat hinne gespillt hunn. D'Tina an de Chris ware Membere vun der Band Talking Heads an d'Grupp Tom Tom Club huet am Fong just als Side-Projet ugefaangen, an enger Phas, wou si e bësse Sträit mat den anere Membere vun Talking Heads haten.
D'Grupp ass méi liicht a kommerziell orientéiert, an huet den Ufank vun den 80er mat hirem Sound staark gepräägt. Si spillen eng Mëschung vu Funk bis New-Wave mat Post-Disco Aflëss. Hiren komeschen Numm kënnt vun engem klenge Proufsall an de Bahamas, wou si fir d'éischt Kéier geprouft hunn. D'Tina Weymouth séngt den Haaptdeel an huet och déi berüümt Basslinn geschriwwen, mee wärend der Opnam vum Lidd konnt si hire Bass wéinst engem Krämpchen am Aarm net selwer spillen an huet dat missten hirem Soundtechniker iwwerloossen.
Si haten effektiv just eng kuerz Studiozäit fir opzehuele gebucht. D'Lidd besteet aus enger einfacher mee effektiver Melodie, déi si zu hirem gréissten Erfolleg bruecht huet. Fir de Video vum Lidd hu si de Kënschtler James Rizzi gefrot en animéierte Cartoon ze molen, hien huet duerno och den Artwork fir hiren Album produzéiert! De Song gouf iwwer 100 Mol gesampelt a gecovert ginn.
D'Mariah Carey huet de Song gesampelt fir hire Welthit "Fantasy" doraus ze maachen. Et ass déi éischt Kéier, datt d'Mariah Carey probéiert d'Hip-Hopper mat engem vun hire Lidder ze gewannen, a well d'Leit vun Tom Tom Club fir d'Benotze vun hirem Sample zougestëmmt hunn, geléngt hir dat och ouni Problem. Et ass e Mix vun Hip-Hop, R'n'B a Pop op engem 102BPM-Beat. D'Carey hat grousse Succès domadder an huet d'Dier fir weider Rap a R'n'B Kollaboratiounen opgemaach, wéi zum Beispill spéider Missy Eliott, TLC oder souguer Beyoncé.
Redman bréngt am Joer 1998 säi véierten Album Doc's da Name 2000 eraus. Wéi sou vill gutt Albumen aus den Enn 90er, ass et e Meeschterwierk u kënschtlerescher Fräiheet a kommerzielle Kompromësser. De Redman reimt hei komplexéiert iwwer dem Eric Sermon seng funky Beats am "Brick City Mashin'"! Hien iwwerhëlt de Sample vun Tom Tom Club a gëtt him en neien Twist mat senger lyrekscher Virtuositéit.
D'Grupp De La Soul benotzt 2002 fir hiert Lidd "Shoomp" e Beat vu J Dilla, deen de Sample vu Genious of Love och benotzt. De Jay Dee ass hei e bëssen amgaang nei Weeër ze exploréieren a léisst den traditionelle Boom Bap hanner sech. Et ass dat éischt Lidd, dat De La Soul net méi op Tommy Boy release, mee op hirem eegene Label AOI, wou si och herno hiren Album "The Grind Date" erausbréngen. Si lueden hei souguer de Sean Paul a fir de Refrain ze sangen.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
