De Sample vun der Woch
Rick James - Mary Jane
10 min
1978 kënnt d'Lidd "Mary Jane" vun Rick James zesumme mat senger Grupp Stone City Band eraus. Et war déi zweet Single, no "You and I", ze fannen op sengem Debutalbum "Come Get It!". De Rick James ass 1948 zu New York gebuer. No enger mouvementéierten Jugend a ville klengen Gruppen, an deenen hie gespillt huet, hëlt den James säin éischten Album 1978 mat senger Grupp Stone City Band zu New York op. Als Multi-Instrumentalist huet hien dat meescht selwer geschriwwen a gespillt. Hien huet deemools beim Motown Sublabel Gordy Records ënnerschriwwen an huet dem Label säin éischte kommerziellen Hit zanter Jore bruecht. Si ware grad an enger schlechter Phas.
Den James seet, hien wier staark beaflosst vu Marvin Gaye a Stevie Wonder, mee säi Sound klengt och vill no Rock Fusiounen an New Wave. Méi spéit deeft hien da säin eegene Genre Punk-Funk. Hie leet hei mat sengem Nummer 1 Hit "Mary Jane" d'Fondatioune fir de Rescht vu senger Welt-Karriär an allgemeng fir d'Entwécklung vu senger hybrider Funk Musek. Den Titel gouf därmoossen zu engem Kulturbegrëff, datt hie kuerz drop Mary Jane Girl's gegrënnt huet, eng Girlgrupp aus sengen ale Backup-Sängerinnen, vun deenen hien och eent bestuet. Seng rapid Karriär a säi verréckte Superstar Lifestyle huet leider dozou geféiert, datt hie mat 56 Joer un engem Häerzinfarkt gestuerwen ass. Den Track "Mary Jane" gouf natierlech am Rap zu enger allgemenger Hymn, engersäits wéinst dem Rick James senger extravaganter Personalitéit, anerersäits awer och wéinst senger net all ze verstoppter Libeserklärung u Marihuana, och Mary-Jane genannt.
Den Irv Gotti sampelt dem Rick James säi Lidd wéinst der Ufro vun der Jennifer Lopez hirem Label. Hie mécht doraus dem J-Lo hiren "I'm Real (Murder Remix feat. Ja Rule and Ashanti)". J-Lo ass eng Latino Pop Sängerin, déi mat dësem Lidd probéiert e puer Hip-Hopper-Häerzen ze eruerweren. Hiren Text ass geschriwwe vum Ja Rule an ass gläichzäiteg um J-Lo hirem zweeten a Ja Rule sengem drëtten Album. De Remix ass zimmlech lächerlech a steet fir ratéiert Pop-Rap-Mëschungen, wéi et der Enn 90er onendlech vill goufen. Et gouf awer e Welthit an huet doduerch eng gewëssen Aart vun Hip-Hop e bësse méi an d'Rampenlicht bruecht.
Ee vill méi authentesche Remix bitt de Redman mat "Smoke Buddah". Produzéiert vum Redman selwer war en op sengem zweeten Album "Muddy Waters" ze fannen, dee 96 erauskoum. Theematesch passt de Redman natierlech wéi d'Fauscht op d'A, well hien erkläert mat sengem übleche Storytelling Talent, wat hie fëmmt a firwat hien dat esou gär mécht.
De Sample huet et souguer bis a Japan geschafft mam DJ Honda. Hie sampelt de Rick James fir d'Lidd "On the Mic". Hie luet d'Amerikaner A.L., Cuban Link, Juju & Missin' Linx op säi Lidd an, dat ganz war um Album "HII" ze héieren.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
