De Sample vun der Woch
Taana Gardner - Heartbeat
0 min
1981 erauskomm an eng vun deene beschte Pop-Single vun den 80er Joren, produzéiert vun Dennis Weeden a Kenton Nix. Bei West End Records erauskomm, deemools deen décksten Disco Label vun New York. Mat sengen 100bpm war d'Lidd fir e Post-Disco Track nach zimmlech lues, dofir hat et am Ufank Schwieregkeete sech als danzbar duerchzesetzen. Mee de Larry Levan huet gehollef en Hit doraus ze maachen. Hie war nämlech ee vun den bedeitendsten DJe vun der New Yorker Disco Paradise Garage, wou hie méi wéi zéng Joer Resident war. Hie gouf do wéi en Hallef-Gott ugesinn, wann hien opgeluecht huet. Dowéinst hat hien och e groussen Afloss dorop, wéi eng Lidder en Top oder e Flopp ginn. Hie stoung 100 Prozent hanner der Gardner hirem Lidd an huet souguer en zéng Minutte Remix dovun erausbruecht, obwuel et der schonn original méi wéi sechs hat. D'Leit sinn um Endeffekt drop ofgaangen, an et gouf e risege Succès. D'Gardner bleift besonnesch bei den Hip-Hopper fir dësen Track bekannt, well e gouf immens dacks benotzt. Hei e puer Beispiller:
De La Soul waren eng vun den éischte Gruppen, déi de Sample opgegraff hu fir hire "Buddy" doraus ze maachen, an zwar déi "Native Tongue Version" zesumme mat The Jungle Brothers, Monie Love, Queen Latifah & Q Tip. Et kënnt vun hirem Debut "3 Feet High and Rising" vun 1989. Och dëst Lidd ass dancefloor-orientéiert an dauert bal siwe Minutten. Et ass produzéiert vu Prince Paul an hat allgemeng zimmlech Succès. De La Soul si bekannt fir hir witzeg, liicht an innovativ Approche zum Hip-Hop.
Et ass zwar kee Rap, mee et gouf eng Zäit, an där et kee Radio gouf, op deem dat Lidd net de ganzen Dag gelaf ass. Den Ini Kamoze huet 1995 der Gardner hiert Lidd och gebraucht fir säin "Here Comes The Hotstepper". Den Ini Kamoze war schonn deemools en Dancehal Veteran, hat schonn zanter 1981 Musek erausbruecht, mee dat heite Lidd propulséiert hie ganz uewen an d'Charts. Den Track benotzt vill Samples, mee den "Heartbeat" ass däitlech erauszehéieren, iwwer deen de Kamoze säi "Lyrical Gangster" Style leet. D'Lidd gouf och fir de Film "Prêt-à-Porter" benotzt.
Black Moon benotzen den Titel fir hiren "Two Turntables & A Mic" vun hirem zweeten Album "War Zone" vun 1999. De 5Ft a Buckshot reimen hei iwwer e Beat vun de Beatminerz, dat sinn DJ Evil Dee a Mr. Walt. Black Moon si respektéiert Underground Rapper, wéinst dësem a virun allem hirem Album virdrun. Si hunn am D&D Studio zu New York opgeholl an hir Plack koum bei Priority Records eraus.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
