De Sample vun der Woch
Tom Browne - Funkin' for Jamaica (N.Y.)
7 min
Den Tom Browne war keen Onbekannte an den R&B Charts an der Period 1979-1989. Hien huet deemools Pop-orientéiert Material fir d'Labele Arista an GRP opgeholl. Den New Yorker Browne huet mat eelef Joer ee Joer Piano geléiert, duerno huet hien op Trompett gewiesselt, déi hien an der New York City High School of Music and Art studéiert huet. De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
Seng Aarbecht mam Sonny Fortune a mam Lonnie Smith hunn dozou geféiert, datt hie mat GRP ënnerschriwwen huet. Och wann de Freddie Hubbard e groussen Afloss op hien hat, war dee gréissten Deel vum Browne senger Musek wärend där Ära kloer kommerziell orientéiert. Zum Beispill huet hien 1980 den Album "Love Approach" erausbruecht, op deem d'Lidd "Funkin' for Jamaica (N.Y.)" drop war. Säin Hit ass dräi Wochen Nummer 1 an den RnB Charts bliwwen an huet déi ganz Museksindustrie op hien opmierksam gemaach. Vum engem Dag op deen anere war hien e Star a sengem Beräich. Den Intro mat enger schriller Trompett-Nout ass direkt erkennbar, just dono setzt d'Bass vum Marcus Miller an a méi spéit de Refrain gesonge vun der Choristin Toni Smith.
De Groove vun dësem Lidd ass extreem attraktiv a gouf dofir och bal 100 Mol gesampelt. De Will I Am huet dem Browne säi Lidd benotzt fir "What It Is" vu senger Grupp Black Eyed Peas ze produzéieren. Dat war op hirem éischten Album "Behind The Front", deen 98 erauskoum.
An engem ganz aneren Genre hunn och d'Quad City DJ's d'Basslinn vun dësem Lidd benotzt fir hire "Quad City Funk" doraus ze maachen. Dat war am Joer 96, eppes wat een dacks am Radio héieren huet.
D'Mariah Carey huet am Joer 2001 hiren Album "Glitter" erausbruecht an ee Lidd "Don't Stop (Funkin' 4 Jamaica)" genannt, wou si mam Rapper Mystikal och eng Reprise vum Brown sengem Hit mécht.
Episoden
Kalyanji Anandji - Dharmatma Theme Music
Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
Arawak - Accadde A Bali
Arawak ass en italieenesche Museksprojet vum verstuerwene Benito Simoncini, en italieenesche Pianist, Arrangeur an Dirigent, a Komponist fir Radio an Televisioun.
Roy Ayers - The Memory
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
Incredible Bongo Band - Apache
Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
Donald Byrd - Wind Parade
Den Donald Byrd gouf als ee vun de beschten Trompettisten vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note.
Deniece Williams - Free
Der Deniece Williams hir véier-Oktaven-Sopranstëmm huet si zu engem vun de markantsten Talenter vun der Soul Ära gemaach.
Earth, Wind and Fire - Shining Star
"That's the Way of the World"ass dee sechste Studioalbum vun der amerikanescher Band an och de Soundtrack vum Film mam selwechten Numm.
Sly & the Family Stone - Sing a Simple Song
Ee vun de bekanntste Breaks, déi am Hip-Hop gesampelt goufen: op ganze 462 Lidder.
Dorothy Ashby - The Windmills of your Mind
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert.
Herbie Hancock - Watermelon Man
Dem Hancock seng 12. LP (1972) brécht d'Barriären tëschent Jazz, Funk a Rock, bréngt den Jazz-Fusion Genre an den Mainstream a säi kënschtlereschen a kommerziellen Duerchbroch.
The Jimmy Castor Bunch - It's Just Begun
Den James Walter Castor war en amerikanesche Funk-, R&B- a Soulmuseker, Singer/Songwriter a Saxofonist, deen zu Manhattan, New York gebuer ass.
Curtis Mayfield - Move On Up
D'Lidd vun 1970, ronn néng Minutte laang, war ursprénglech kee mega Hit, mee gouf mat de Jore méi bekannt.
Shocking Blue - Love Buzz
Shocking Blue, en hollännesche Quartett, war eng erfollegräich psychedelesch Rock-Grupp an de 70er an hunn iwwer zéng Millioune Placken insgesamt verkaf.
Teena Marie - Square Biz
D'Teena Marie war eng amerikanesch Singer-Songwriterin, déi vun 1956 bis 2010 gelieft huet. Si hat grousse Succès a gouf och "The Ivory Queen of Soul" genannt.
Billy Squier - The Big Beat
Dräi Albume vum amerikanesche Rockmuseker, Joergank 1950, waren an den 80er an den amerikaneschen Top 10 Charts, an hien huet och e puer Hitsingelen erausbruecht.
Jean-Luc Ponty - Farewell
De franséische Museker, 1942 an der Normandie gebuer, spillt fréi am Philharmoneschen Orchester zu Paräis, éier hie seng Gei a verschiddenen Jazz Bands integréiert.
David Bowie - Let's Dance
Den David Bowie ass ee vun de berüümtste Museker vum 20. Joerhonnert mat iwwer 100 Millioune verkaaften Albumen. "Let's Dance", säi 15. Album, kënnt 1983 eraus.
The Beatles - Glass Onion
Jiddweree kennt de Beatles hire "White Album". Vill Leit kennen dem Jay-Z säi "Black Album". Wat kënnt eraus, wann ee Schwaarz a Wäiss mëscht? Gro natierlech.
Heatwave - The Star of a Story
Heatwave war eng Funk-Disco Band, déi 1975 entstanen ass. "The Star Of A Story" ass op hirem zweeten Album "Central Heating".
