De Sample vun der Woch
Roy Ayers - The Memory
8 min
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit. Hie gouf dacks am Hip-Hop gesampelt, mee dem Ayers säi Stil war ëmmer am Jazz verwuerzelt: en ass knuspreg, lyresch a rhythmesch elastesch. Hien ass opgewuess an enger musikalescher Famill: säi Papp huet Trombonn gespillt, seng Mamm huet hie Piano geléiert. Hie krut e Vibrafon geschenkt mat 5 Joer, mee huet eréischt ugefaangen drop ze spillen mat 17. Ufank zwanzeg huet hie sech an der West Coast Jazzzeen engagéiert. Nodeems hie véier Joer laang mam versatille Flüttist Herbie Mann getoured huet, huet hien Enn den 1960er seng Oueren opgemaach fir aner Museksstiler wéi den Jazz, mat deem hien opgewuess war. Nodeems hien dräi Soloalbume fir Atlantik ënner der Opsiicht vum Herbie Mann opgeholl huet, huet den Ayers de Mann-Grupp 1970 verlooss fir Roy Ayers Ubiquity ze grënnen. Hien huet dunn e puer Albume fir Polydor opgeholl. Obwuel hien am Ufank offensichtlech vum eklektesche Miles Davis an dem Herbie Hancock beaflosst gouf, huet den Ayers säin Jazz no an no fir den R&B, Funk a soulfull Disco fale gelooss. All seng Albume vun där Ära, vun 1975 bis 1977, hunn et an d'RnB Charts gepackt. Dozou gehéiere "Mystic Voyage", "Everybody Loves the Sunshine" an den Album "Vibrations", vun deem d'Lidd "The Memory" ass.
Et gouf e puermol am Hip-Hop gesampelt, mee ass bei mir besonnesch wéinst Lidder vun der Westcoast hänke bliwwen. De Spice 1 huet et zum Beispill 1994 benotzt fir säi "Face of a Desperate Man" vum Album "AmeriKKKa's Nightmare" doraus ze maachen.
Lil Half Dead aus Long Beach Kalifornien huet d'Lidd "The Memory" fir säin Track "That's What You Get" vu sengem Album "The Dead Has Arisen" och dat selwecht Joer erfollegräich gesampelt.
De Sample huet et ëm dës Period och bis a Frankräich gepackt: 1995 sampelt de Sléo de Roy Ayers fir säin "Je lance les dés" ze produzéieren. Dat war op sengem éischten Album "Ensemble pour une nouvelle aventure".
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
