De Sample vun der Woch
Earth, Wind and Fire - Shining Star
4 min
"That's the Way of the World" ass dee sechste Studioalbum vun der amerikanescher Band. Et ass och de Soundtrack vum Film mam selwechten Numm, an deem verschidde Bandmembere mini Optrëtter haten. Rolling Stone Magazin klasséiert den Album #486 op senger Lëscht vun de 500 Greatest Albums of All Time. Bis elo goufe vum Album iwwer dräi Milliounen Exemplairen eleng an den USA verkaf.
Schonn 1974 gouf un engem Film vum Filmdirekter Sig Shore geschafft, mat deem hien d'Museksindustrie wollt bloussstellen. Den Harvey Keitel huet de Chef vun enger Plackefirma gespillt, d'Membere vun Earth, Wind & Fire eng naiv, onbekannt Newcomer Band. D'Participatioun am Film war limitéiert op eng kleng Roll fir de Maurice White an e puer Membere vun der Band. Parallel zum Film huet d'Band d'Lidder opgeholl fir am Film ze benotzen. Wéi d'Band de fäerdege Film gesinn huet, hu si gefaart, e géif e Flop an hunn decidéiert den Album virun der offizieller Verëffentlechung vum Film erauszebréngen. Fir d'Band war den Album e grousse Aschnëtt: Et war e wichtegen Album fir si, deen entscheet huet, ob si eng Mainstream Grupp géife ginn oder just en R&B Akt géife bleiwen. Zu där Zäit, déi anescht war wéi haut, waren nach net wierklech vill schwaarz Kënschtler am Mainstream. Si hate schonn zwee Gold Alben, "Open Our Eyes" an "Head to the Sky", awer trotzdeem woussten déi meescht net, wie si waren.
Wärend de Film leider gefloppt huet, huet den Album der Band eng Plaz ënner de wichtegste Bands vun hirer Zäit geschenkt. Den typesche Sound vun der Band, dee si mat dësem Album konsolidéiert hunn, ass charakteriséiert als latin Beats mat James Brown-änleche Basslinnen, gemixt mat melodesche Funk-Improvisatiounen. D'Texter sinn deelweis reliéis, de Maurice White benotzt se fir d'Grenze vum schwaarzen Amerika ze iwwerwannen a säi Message fir Fridden ze verbreeden. Hien adresséiert sech awer un all Nolauschterer. Den Album krut meeschtens positiv Kritik. Den Titeltrack "Shining Star" ass domadder deen éischte grousse Succès vun der Band. Den Track ass geschriwwe vum Bandleader Maurice White a si hunn domat e Grammy gewonnen.
De positiven an optimisteschen Track gouf fir eent vun den aggressiivste Lidder vu Public Enemy gesampelt. Effektiv koum am Joer 88 hire "Prophets of Rage" eraus. Hiert Lidd gouf esou bekannt, datt si virun Kuerzem eng Spin-off Grupp zesumme mat Membere vun anere Gruppe gegrënnt hunn, déi och "Prophets of Rage" heeschen.
Eng méi liicht Versioun vu "Shining Star" koum och am Joer 1998 eraus. Hei sinn d'Membere vun Wu-Tang Clan zesummen um Earth, Wind and Fire Sample ze héieren. Sunz Of Man rappen hei zesumme mam verstuerwenen Ol' Dirty Bastard iwwer e Beat vum Wyclef Jean.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
