De Sample vun der Woch
A Taste of Honey - Rescue Me
7 min
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf. Si hu sech nom Herb Alpert sengem Lidd "A Taste of Honey" genannt. Am Ufank hu si sechs Joer laang getoured, ouni bei engem Label gesigned ze sinn. Si hu fir d'éischt an den USA gespillt, du si si bis a Spuenien, Marokko, Taiwan, Thailand, Philippinnen, Südkorea a Japan geflunn, fir ze spillen. Wéi si zeréck op Los Angeles koumen, fir an engem Club ze spillen, goufe si vun zwee Plackeproduzente gesinn, de Fonce a Larry Mizell. Si hunn dorops hi Capitol Records iwwerzeegt, hinnen eng Auditioun ze ginn an hunn e Kontrakt vu fënnef Albumen ënnerschriwwen. Déi éischt Single, "Boogie Oogie Oogie", vun hirem Debutalbum "A Taste of Honey", war dräi Wochen op der Nummer 1 an den Top 100 Charts am Joer 1978 a gouf zwou Millioune Mol verkaaft. Der Grupp gouf fir dës Singel duebel Platin zertifiéiert a krut de Grammy Award fir de Beschten neie Kënschtler am Februar 1979.
Ëm 1980 huet d'Perry Kibble Grupp verlooss an d'Janice-Marie Johnson ass elo just nach mam Hazel Payne zesummen. Hir nächst Singles hu leider net méi deselwechte kommerziellen Erfolleg wéi "Boogie Oogie Oogie", mee "Rescue Me" gouf awer e Klassiker aus der Kategorie Eighties Funk. Dëst Lidd staamt vum Album "Twice as Sweet", deen integral vum George Duke produzéiert gouf. Et erkennt een dem Duke seng Léift fir Funk an Jazz Fusion an den Disco Produktiounen fir "A Taste Of Honey".
Den Track gouf eng Dose mol gesampelt, e bësse méi en oldschool Beispill ass hei de Positive K mat sengem "I Got A Man" vu sengem Album "The Skills Dat Pay da Bills" vun 1992. Fir seng Zäit war dat e mega Erfolleg, well hie méi wéi eng hallef Millioun Maxie verkaaft krut.
Virun e puer Méint koum dem Wiz Khalifa säi "Big Daddy Wiz" eraus. De Girl Talk huet dat Lidd fir dem Wiz säin Album "Multiverse" produzéiert.
Episoden
Kalyanji Anandji - Dharmatma Theme Music
Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
Arawak - Accadde A Bali
Arawak ass en italieenesche Museksprojet vum verstuerwene Benito Simoncini, en italieenesche Pianist, Arrangeur an Dirigent, a Komponist fir Radio an Televisioun.
Roy Ayers - The Memory
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
Incredible Bongo Band - Apache
Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
Donald Byrd - Wind Parade
Den Donald Byrd gouf als ee vun de beschten Trompettisten vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note.
Deniece Williams - Free
Der Deniece Williams hir véier-Oktaven-Sopranstëmm huet si zu engem vun de markantsten Talenter vun der Soul Ära gemaach.
Earth, Wind and Fire - Shining Star
"That's the Way of the World"ass dee sechste Studioalbum vun der amerikanescher Band an och de Soundtrack vum Film mam selwechten Numm.
Sly & the Family Stone - Sing a Simple Song
Ee vun de bekanntste Breaks, déi am Hip-Hop gesampelt goufen: op ganze 462 Lidder.
Dorothy Ashby - The Windmills of your Mind
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert.
Herbie Hancock - Watermelon Man
Dem Hancock seng 12. LP (1972) brécht d'Barriären tëschent Jazz, Funk a Rock, bréngt den Jazz-Fusion Genre an den Mainstream a säi kënschtlereschen a kommerziellen Duerchbroch.
The Jimmy Castor Bunch - It's Just Begun
Den James Walter Castor war en amerikanesche Funk-, R&B- a Soulmuseker, Singer/Songwriter a Saxofonist, deen zu Manhattan, New York gebuer ass.
Curtis Mayfield - Move On Up
D'Lidd vun 1970, ronn néng Minutte laang, war ursprénglech kee mega Hit, mee gouf mat de Jore méi bekannt.
Shocking Blue - Love Buzz
Shocking Blue, en hollännesche Quartett, war eng erfollegräich psychedelesch Rock-Grupp an de 70er an hunn iwwer zéng Millioune Placken insgesamt verkaf.
Teena Marie - Square Biz
D'Teena Marie war eng amerikanesch Singer-Songwriterin, déi vun 1956 bis 2010 gelieft huet. Si hat grousse Succès a gouf och "The Ivory Queen of Soul" genannt.
Billy Squier - The Big Beat
Dräi Albume vum amerikanesche Rockmuseker, Joergank 1950, waren an den 80er an den amerikaneschen Top 10 Charts, an hien huet och e puer Hitsingelen erausbruecht.
Jean-Luc Ponty - Farewell
De franséische Museker, 1942 an der Normandie gebuer, spillt fréi am Philharmoneschen Orchester zu Paräis, éier hie seng Gei a verschiddenen Jazz Bands integréiert.
David Bowie - Let's Dance
Den David Bowie ass ee vun de berüümtste Museker vum 20. Joerhonnert mat iwwer 100 Millioune verkaaften Albumen. "Let's Dance", säi 15. Album, kënnt 1983 eraus.
The Beatles - Glass Onion
Jiddweree kennt de Beatles hire "White Album". Vill Leit kennen dem Jay-Z säi "Black Album". Wat kënnt eraus, wann ee Schwaarz a Wäiss mëscht? Gro natierlech.
Heatwave - The Star of a Story
Heatwave war eng Funk-Disco Band, déi 1975 entstanen ass. "The Star Of A Story" ass op hirem zweeten Album "Central Heating".
