De Sample vun der Woch
Maze - Before I Let Go
9 min
Ënner hirem ursprénglechen Numm Raw Soul ass d'Band 1971 op San Francisco geplënnert, esou gouf och de Marvin Gaye op si opmierksam. Hien huet si als Support op seng USA Tour matgeholl an huet hinnen 1976 proposéiert, datt si hiren Numm Raw Soul änneren.
Maze huet 1977 hiren Debutalbum, "Maze featuring Frankie Beverly", erausbruecht. Si haten och Erfolleg mat den Albumen "Golden Time of Day" (1978), "Inspiration" (1979) a "Joy and Pain" (1980).
Deemools gouf d'Band immens erfollegräich an Amerika an a Groussbritannien vum britteschen DJ Robbie Vincent ënnerstëtzt.
Hir nächst Opnam war "Live in New Orleans", vun deenen dräi Véierel am Saenger Theatre de 14-15 November 1980 opgeholl gouf. Dräi vun dëse Lidder koumen an d'R&B Charts, dorënner "Running Away", "We Need Love to Live" an dat Lidd, iwwer dat mir hei schwätzen "Before I Let Go".
Bis 1993 huet "Maze" néng Gold Alben erausbruecht. Maze huet eng grouss an aktiv Fanbase behalen an tourt bis haut weider an den USA an an Europa. Als Hommage deet de Publikum sech, deen op Maze-Concerten geet, och ëmmer, genee esou wéi d'Band, ganz wäiss un! "Before I Let Go" ass eng optimistesch Hymn a fir vill Leit eng Opfuederung zur Vereenegung.
Et ass ëmmer en Hit an allen DJ-Sets, an dat hunn och etlech Hip-Hop-Produzente gemierkt, wéi si de Song gesampelt hunn.
Keith Murray filtréiert just déi catchy Basslinn eraus fir säi "The Rhyme" doraus ze maachen. D'Lidd ass produzéiert vun engem vun den beschte Beatmaker vun der Eastcoast, den Eric Sermon vun der Grupp EPMD. Dat Lidd war op sengem zweeten Album "Enigma", deen 1996 erauskoum.
Dat wat méi erstaunlech schéngt ass deR Beyoncé hiren Hommage u "Maze" wärend hirem Homecoming Concert. Effektiv gouf si 2018 gebucht fir Headliner zu Coachella ze sinn a covered "Before I Let Go" a senger Integralitéit.
Si frëscht d'Lidd vun 1980 mat e puer New Orleans Bounce Elementer op, an dat Ganzt gouf aktualiséiert vun der Megastar vum amerikanesch Rap, dem Tay Keith.
Hien ass bekannt fir seng Kollaboratioune mat Drake oder Travis Scott. De Concert vun der Beyoncé gouf jo och a senger verfilmter Versioun op Netflix e grousse 60 Milliounen Dollar Succès.
Episoden
Kalyanji Anandji - Dharmatma Theme Music
Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
Arawak - Accadde A Bali
Arawak ass en italieenesche Museksprojet vum verstuerwene Benito Simoncini, en italieenesche Pianist, Arrangeur an Dirigent, a Komponist fir Radio an Televisioun.
Roy Ayers - The Memory
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
Incredible Bongo Band - Apache
Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
Donald Byrd - Wind Parade
Den Donald Byrd gouf als ee vun de beschten Trompettisten vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note.
Deniece Williams - Free
Der Deniece Williams hir véier-Oktaven-Sopranstëmm huet si zu engem vun de markantsten Talenter vun der Soul Ära gemaach.
Earth, Wind and Fire - Shining Star
"That's the Way of the World"ass dee sechste Studioalbum vun der amerikanescher Band an och de Soundtrack vum Film mam selwechten Numm.
Sly & the Family Stone - Sing a Simple Song
Ee vun de bekanntste Breaks, déi am Hip-Hop gesampelt goufen: op ganze 462 Lidder.
Dorothy Ashby - The Windmills of your Mind
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert.
Herbie Hancock - Watermelon Man
Dem Hancock seng 12. LP (1972) brécht d'Barriären tëschent Jazz, Funk a Rock, bréngt den Jazz-Fusion Genre an den Mainstream a säi kënschtlereschen a kommerziellen Duerchbroch.
The Jimmy Castor Bunch - It's Just Begun
Den James Walter Castor war en amerikanesche Funk-, R&B- a Soulmuseker, Singer/Songwriter a Saxofonist, deen zu Manhattan, New York gebuer ass.
Curtis Mayfield - Move On Up
D'Lidd vun 1970, ronn néng Minutte laang, war ursprénglech kee mega Hit, mee gouf mat de Jore méi bekannt.
Shocking Blue - Love Buzz
Shocking Blue, en hollännesche Quartett, war eng erfollegräich psychedelesch Rock-Grupp an de 70er an hunn iwwer zéng Millioune Placken insgesamt verkaf.
Teena Marie - Square Biz
D'Teena Marie war eng amerikanesch Singer-Songwriterin, déi vun 1956 bis 2010 gelieft huet. Si hat grousse Succès a gouf och "The Ivory Queen of Soul" genannt.
Billy Squier - The Big Beat
Dräi Albume vum amerikanesche Rockmuseker, Joergank 1950, waren an den 80er an den amerikaneschen Top 10 Charts, an hien huet och e puer Hitsingelen erausbruecht.
Jean-Luc Ponty - Farewell
De franséische Museker, 1942 an der Normandie gebuer, spillt fréi am Philharmoneschen Orchester zu Paräis, éier hie seng Gei a verschiddenen Jazz Bands integréiert.
David Bowie - Let's Dance
Den David Bowie ass ee vun de berüümtste Museker vum 20. Joerhonnert mat iwwer 100 Millioune verkaaften Albumen. "Let's Dance", säi 15. Album, kënnt 1983 eraus.
The Beatles - Glass Onion
Jiddweree kennt de Beatles hire "White Album". Vill Leit kennen dem Jay-Z säi "Black Album". Wat kënnt eraus, wann ee Schwaarz a Wäiss mëscht? Gro natierlech.
Heatwave - The Star of a Story
Heatwave war eng Funk-Disco Band, déi 1975 entstanen ass. "The Star Of A Story" ass op hirem zweeten Album "Central Heating".
