De Sample vun der Woch
Quincy Jones - Summer in the City
8 min
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur, a Film- an Televisiounsproduzent. Seng Karriär dauert scho 70 Joer an der Museksindustrie, mat engem Rekord vun 80 Grammy-Nominatiounen.
Den Jones huet an de 50er Joren als Jazz-Arrangeur an Dirigent fir Pop- a Filmmusek geschafft. Hie switcht ouni Problem tëschent musikalesche Genren. Hie schafft engersäits Ufank vun de 60er u Pop-Lidder an ass awer och gläichzäiteg Arrangeur an Dirigent fir verschidde Jazz-Kënschtler wéi de Frank Sinatra oder de Count Basie an der selwechter Zäit.
Donieft schreift hien nach etlech Soundtracke fir Filmer an hëlt och seng eege Placken op, op deenen hien och selwer séngt. Eng vu senge manner bekannte Placken ass "You've Got It Bad Girl" vun 1973. Op dësem Album si gréisstendeels re-arrangéiert Reprisen, zum Beispill den Titeltrack an och "Superstition", allebéid vum Stevie Wonder.
"Summer in the City"
D'Lidd "Summer in the City" ass och eng Reprise, an zwar vun der amerikanescher Pop-Grupp Lovin Spoonful vum Joer 1966. Hiert Lidd war a sech schonn en Ouerwuerm, sief et duerch furios Riffen oder ustiechend Rhythmen. Si hunn et och an d'amerikanesch Top 10 gepackt.
Wärend déi meescht Lidder iwwer d'Virdeeler vun engem waarme Summer geschwat hunn, geet et an dësem Track éischter iwwer déi eekleg Wäermt an enger grousser, vum Bëtong beherrschter Groussstad. Dat Ganzt huet eppes Hypnotesches.
Nach méi bekannt wéi den Original ass dem Quincy Jones seng Versioun vu "Summer in the City". Hie gewënnt mat dësem Lidd 1973 de Grammy fir dat bescht instrumental Arrangement. Dem Song säin Tempo gëtt hei uerdentlech erofgeschrauft a besetzt doduerch eng magnéitesch Energie. Déi bekannt Uergel, déi sou dacks gesampelt gouf, ass gespillt vum Eddie Louis, an den elektresche Piano ass vum Dave Grusin gespillt.
Vill Samples am Hip-Hop
Dem Jones seng Versioun gouf vu villen Hip-Hop Kënschtler gesampelt. Dat bekanntst Lidd wier "Passing Me By" vu The Pharcyde vun hirer Plack "Bizarre Ride II to Pharcyde" vum Joer 1992. De Song ass produzéiert vum J-Swift a stécht deemools vum übleche Westcoast Sound komplett eraus.
Den Jimmy Jay huet de Sample och benotzt. Den MC Solaar huet jo bekannterweis de Gainsbourg gesampelt fir säin "Nouveau Western", mee am Joer 1991 koum schonn en änlecht Lidd vun him eraus an zwar "Western Modern", dat um Quincy Jones sengem Sample baséiert.
Am Joer 1994 huet den Joe Cocker mat senger Versioun vu "Summer in the City" och all d'Charts gestiermt huet. Dëse Sound war fir dës Era scho relativ frësch.
Episoden
Kalyanji Anandji - Dharmatma Theme Music
Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
Arawak - Accadde A Bali
Arawak ass en italieenesche Museksprojet vum verstuerwene Benito Simoncini, en italieenesche Pianist, Arrangeur an Dirigent, a Komponist fir Radio an Televisioun.
Roy Ayers - The Memory
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
Incredible Bongo Band - Apache
Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
Donald Byrd - Wind Parade
Den Donald Byrd gouf als ee vun de beschten Trompettisten vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note.
Deniece Williams - Free
Der Deniece Williams hir véier-Oktaven-Sopranstëmm huet si zu engem vun de markantsten Talenter vun der Soul Ära gemaach.
Earth, Wind and Fire - Shining Star
"That's the Way of the World"ass dee sechste Studioalbum vun der amerikanescher Band an och de Soundtrack vum Film mam selwechten Numm.
Sly & the Family Stone - Sing a Simple Song
Ee vun de bekanntste Breaks, déi am Hip-Hop gesampelt goufen: op ganze 462 Lidder.
Dorothy Ashby - The Windmills of your Mind
Dëst Lidd war ursprénglech eng franséisch Chanson vum Michel Legrand an huet "Les moulins de mon cœur" geheescht. Et gouf vu villen Artiste gecovert.
Herbie Hancock - Watermelon Man
Dem Hancock seng 12. LP (1972) brécht d'Barriären tëschent Jazz, Funk a Rock, bréngt den Jazz-Fusion Genre an den Mainstream a säi kënschtlereschen a kommerziellen Duerchbroch.
The Jimmy Castor Bunch - It's Just Begun
Den James Walter Castor war en amerikanesche Funk-, R&B- a Soulmuseker, Singer/Songwriter a Saxofonist, deen zu Manhattan, New York gebuer ass.
Curtis Mayfield - Move On Up
D'Lidd vun 1970, ronn néng Minutte laang, war ursprénglech kee mega Hit, mee gouf mat de Jore méi bekannt.
Shocking Blue - Love Buzz
Shocking Blue, en hollännesche Quartett, war eng erfollegräich psychedelesch Rock-Grupp an de 70er an hunn iwwer zéng Millioune Placken insgesamt verkaf.
Teena Marie - Square Biz
D'Teena Marie war eng amerikanesch Singer-Songwriterin, déi vun 1956 bis 2010 gelieft huet. Si hat grousse Succès a gouf och "The Ivory Queen of Soul" genannt.
Billy Squier - The Big Beat
Dräi Albume vum amerikanesche Rockmuseker, Joergank 1950, waren an den 80er an den amerikaneschen Top 10 Charts, an hien huet och e puer Hitsingelen erausbruecht.
Jean-Luc Ponty - Farewell
De franséische Museker, 1942 an der Normandie gebuer, spillt fréi am Philharmoneschen Orchester zu Paräis, éier hie seng Gei a verschiddenen Jazz Bands integréiert.
David Bowie - Let's Dance
Den David Bowie ass ee vun de berüümtste Museker vum 20. Joerhonnert mat iwwer 100 Millioune verkaaften Albumen. "Let's Dance", säi 15. Album, kënnt 1983 eraus.
The Beatles - Glass Onion
Jiddweree kennt de Beatles hire "White Album". Vill Leit kennen dem Jay-Z säi "Black Album". Wat kënnt eraus, wann ee Schwaarz a Wäiss mëscht? Gro natierlech.
Heatwave - The Star of a Story
Heatwave war eng Funk-Disco Band, déi 1975 entstanen ass. "The Star Of A Story" ass op hirem zweeten Album "Central Heating".
