One World
Making Sense
60 min
De fréiere Sänger a Bassist vun Deus Stef Kamil Carlens, dee mir vun der Formatioun Zita Swoon kennen, ass zanter e puer Joer ënner sengem eegenen Numm ënnerwee. "Making Sense Of Infinity" ass säin zweete Solo Album.
Aus dem Mali kommen Tamikrest. Hir Musek ankert an den Tuareg Traditiounen, déi ugeräichert gi mat verschiddenen internationalen Influenzen an och Elementer aus de Kulturen aus hirem noen Ëmfeld.
En anere fréiere Member vun DEUS ass den Tom Barman, bekannte Frontmann. Haut léisst hien en Energie-geluedenen, munchmol punkegen Jazz mat TaxiWars erkléngen, zesumme mam Robin Verheyen um Saxofon.
The Great Dictator ass en US-amerikanesche Film vum Charlie Chaplin an eng Satir op den Adolf Hitler an de Faschismus. Berüümt ass och dem Charlie Chaplin seng Ried um Schluss vum Film: en däitlechen Appell un d'Zaldoten an un d'ganz Welt fir Demokratie, Fridden a Mënschlechkeet. Dëse Speech gouf och benotzt vum schottesche Sänger a Museker Paolo Nutini op sengem drëtten Album "Cautsic Love", deen 2014 erauskoum.
Turkish Delight gouf 1978 gegrënnt vum Komponist a Multiinstrumentalist Orhan Seyfi Çelik. Viru Kuerzem erauskomm ass den neien Album "Prophecy".
Et gi Lidder, déi duerch d'Zäite ginn, eent vun deenen ass "Sunrise in Capadocia" vum Murat Coskun um Album "Frame & Drums" mat de Gaaschtinvitéen Giora Feidman op de Klarinetten an dem Michel Godard um Serpent an Tuba.
Den hollännesche Pianist a Komponist Michiel Borstlap huet eng nei Ep ronderëm d'Elementer verëffentlecht, mir héieren hei seng Variatioun zum Element Waasser.
Den John Trudell war en Native American, hie war am Vietnam Krich a gouf bekannt als politeschen Aktivist, Museker a Schauspiller.
Playlist:
Groove in G - Playing for Change - Putumayo Presents African Blues
Stef Kamil Carlens - Back On the Road - Making Sense Of ∞
Tamikrest - Azawad - Tamotaït
TaxiWars - Different or Not - Artificial Horizon
Oscar Jerome - Do You Really - Do You Really - Single
Paolo Nutini - Iron Sky - Caustic Love
Turkish Delight - Velvele - Prophecy
Murat Coskun & Michel Godard - Frames & Drums
Michiel Borstlap - Water - Elements - EP
John Trudell & Kwest - So so Sweet - Through the Dust
John Trudell - Johnny Damas and Me - Johnny Damas and Me
Tindersticks - This Fire Of Autumn - The Something Rain
Ji Dru & Sandra Nkaké - Nineteen - Tribe from the Ashes
Hey Djan - Djeyrani Bes - Hey Djan/Single