One World

Den Alborosie ass a Sizilie gebuer an huet Jamaika zu senger Walheemecht gemaach. Op sengem neien Album collaboréiert hie mat der Jaz Elise, jamaikanesch Artistin mat vill Talent.

Mir sinn op der Spuer vum bekannten “House Of The Rising Sun”. Den Titel war en Number One Hit 1964! Datselwecht Joer hat d’Miriam Makeba hir Versioun verëffentlecht …

Dem franséisch-amerikanesche Komponist a Perkussionist Steve Shehan säin Album “Visa Mundi” ass eng kleng Pärel ...

Mir héieren och déi aussergewéinlech Renconter tëschent dem Antonello Salis, italieeneschen Accordeonist a Pianist, Paolo Angeli Gittarist, Instrumentebauer, dee sech ë. a fir d’Musek aus Sardinien interesséiert, dem Gavino Murgia, sardesche Sänger an Jazz-Saxofonist an dem Hamid Drake, amerikaneschen Jazz-Drummer a Perkussionist. E faméise Line Up, dee mir um Album “Giornale Di Bordo” héieren, en Disk, deen 2010 erauskoum.

De brasilianesche Singer-Songwriter an och Politiker Gilberto Gil ass bekannt souwuel fir seng musikalesch Innovatioun wéi fir säi politeschen Aktivismus. Säin Album “Ok Ok Ok” koum am August 2018 eraus.

Mir héieren hei gläich zwou verschidde Kollaboratioune vum Piers Faccini. Der Spuer vun dësem Artist a Weltebummler nozegoe lount sech a féiert ëmmer erëm bei interessant Decouverten!

Den neien Album “Night Reign” vun der pakistanescher Sängerin a Komponistin Arooj Aftab ass eng vun den Decouverten dës Kéier.

Playlist:
Alborosie - Faith (feat. Jaz Elise) - Destiny
Somi - House of the Rising Sun - Zenzile: The Reimagination of Miriam Makeba
Antonello Salis, Paolo Angeli, Gavino Murgia & Hamid Drake - Corsicana Tarantina - Giornale Di Bordo
Steve Shehan - Chasse Spleen - Visa Mundi
Gilberto Gil - Jacintho - OK OK OK
Las Hermanas Caronni - Breathe (feat. Piers Faccini) - Santa Plastica
Souad Massi - Mirage (feat. Piers Faccini) - Sequana
Coşkun Karademir - Rüzgar - Öz
Arooj Aftab - Raat Ki Rani - Night Reign
Hindi Zahra - At the Same Time - Handmade

Episoden