Den Nino Ferrer ass bekannt fir “Le Sud”, “Les Cornichons” oder “Mirza”. Bal net bekannt ass säin an der englescher Sprooch gesongenen Album “Nino And Radiah”. "Le Sud" huet hien op Englesch geschriwwen, an hie wollt d’Lidd och net iwwersetzen …
Déi Wierder, déi ee mat den Ae seet, déi déi keng Wierder brauchen, “Les Mots Bleus” vum Christophe. Mir lauschteren en interessante Cover.
Mir héieren och d’Geschicht vun 3 Frënn, déi sech vu Kand u kennen, an déi sech an enger Museksschoul begéint sinn. An de Pausen hu si zesumme gejamt ouni drun ze denken, datt si spéider aus hirer Passioun e Beruff maache géifen. Haut heeschen si Petite Vallée a vermësche franséisch Traditioune mat der Americana.
Freedom Candlemaker ass d’Iwwersetzung vum Lefteris Moumtzis sengem Numm op Englesch. De Lefteris, also Freedom Candlemaker ass e griichesch-zypriotesche Museker, Komponist a Produzent.
Déi leschte Kéier hu mir an deen neien Album vu Kit Sebastian eragelauschtert. “New Internationale”, en Disk, dee fir de 27. September ugekënnegt gëtt. Hei e weideren neie Virgeschmaach, dee mir nach net héieren hu vun dëser Koppel, déi anatolesch Psychedelia, brasilianeschen Tropicalismo, europäesche Pop an amerikaneschen Jazz matenee vermëscht.
Playlist:
1. Leonard Cohen - Slow - Popular Problems
2. Nino Ferrer - Hot Toddy - Nino and Radiah Et Le Sud
3. Alain Bashung - Les mots bleus - Osez Bashung
4. Edson Natale - Afluente dos Lugares
5. Petite-Vallée - Ella - Petite-Vallée
6. Roy Ayers, Ali Shaheed Muhammad & Adrian Younge - Hey Lover - Jazz Is Dead 002
7. Sudan Archives - Come Meh Way - Sudan Archives - EP
8. Freedom Candlemaker - Αstral Body - Αstral Body
9. Devendra Banhart - Now All Gone - Ma
10. Bill Wells - Glasgow Jubilee - Everything’s Getting Older
11. Kit Sebastian - The Kiss - New Internationale
12. United Future Organization - World Thing
13. Erik Truffaz - In Heaven (feat. Bertrand Belin) - Clap!