One World
One World Tribe
56 min
E soulräichen an jazzegen Afrobeat héiere mir vum Nigerianer Dele Sosimi op der neier “The Confluence Ep”, eng Decouverte!
Ginger Bamboo ass eng vun de klenge Pärelen aus dem internationalen Underground, déi de Schwäizer Label Bongo Joe viru Kuerzem op der Elsewhere CC Anthologie verëffentlecht huet.
De Sänger, Multi-Instrumentalist a Globetrotter Abaji huet armeenesch Originnen, ass am Libanon gebuer an huet 1976 a Frankräich Refuge fonnt. Säi neie “Carnet de Voyage Pt 1” léisst eng organesch World Musek erkléngen, bei där eng Hellewull Instrumenter aus ganz verschiddene Kulturen zu Wuert kommen.
Vill Globetrottere sinn haut derbäi. Keng Musek, déi aus der Këscht kennt, mee déi am richtege Liewe spillt, do wou Renconteren zustane kommen, a wou een de Puls vun enger Plaz fille kann.
Witch steet hei net fir eng Hex, mee fir We Intend To Cause Havoc, Mir wëllen Onrou stëften. Et ass eng an de 70er Jore populär Band aus Sambia. Se ass um Ursprong vun engem neie Genre, de Zamrock. Deen eenzegen Original-Member, dee vun 1972 un derbäi ass, ass de Lead-Sänger Emanyeo "Jagari" Chanda. De Keyboarder Patrick Mwondela koum 1980 derbäi. Et goufe länger Pausen, mee d’lescht Joer koum en neie Volllängt-Album op de Maart: “Zango”. Et ass eng gelonge Mëschung vu Vintage an neiem Sound.
Tribalen Drumming ass och d’Réckkräiz vun de Stone Roses hirem “Fools Gold” aus dem Joer 1989. Hei erënnere mir un dës kleng Pärel.
Playlist:
1. Dele Sosimi & The Estuary 21 - Ride out the Storm (feat. Get Cape. Wear Cape. Fly) - The Confluence LP
2. Joey Alexander - Zealousy - Continuance
3. Yussef Dayes - Rust (feat. Tom Misch) - Black Classical Music
4. Ginger Bamboo - Stinlo - Elsewhere CC
5. Abaji - Zikrayat - Carnet de Voyages, Pt. 1 (Organic World Music) - EP
6. Vincent Segal, David Walters, Ballaké Sissoko & Roger Raspail - Papa Kossa - Nocturne
7. Farees - Black Hole Blues - Border Patrol
8. WITCH - Stop the Rot - Zango
9. Baaba Maal - Yerimayo Celebration - Being
10. Yalla Miku - Tortije - Yalla Miku
11. The Stone Roses - Fools Gold (Remastered) - The Stone Roses (Remastered)
12. TaxiWars - Drop Shot - Artificial Horizon