Der Hempress Sativa hir Racinne leien am Roots Reggae, deensi uräichert mat Hiphop, R&B an Afrobeat.
Kweku of Ghana, kuerz KOG, ass de Leader vum Afro-Fusioun-Kollektiv K.O.G & The Zongo Brigade an och de Leadsänger vun der afro-futuristescher Supergrupp Onipa. Si sinn um Womad Festival dëst Joer, mee awer och fir e puer rar Optrëtter an Europa ze gesinn.
Dem Mádé Kuti säi Papp ass de Femi a säi Grousspapp de Fela Kuti, mee de Mádé plout säin eegent Afrobeat-Feld!
De Mohammad Reza Mortazavi aus dem Iran ass e Meeschter vun de Perkussiouns-Instrumenter, wéi den Daf an Tombak. Hie vereent déi traditionell Kläng an engem experimentellen Ausdrock mat Jazz an Electronica Influenzen.
Kameel ass en energeschen Trio aus der Belsch deen den Jazz mam Rock an der Electro fusionéiert. Si sinn ze gesinn um Gent Jazz Festival, am Juli, e Festival mat engem excellente Line-up. Dorënner de Patti Smith Quartet, Tindersticks, Terence Blanchard & Ravi Coltrane, Sun Ra Arkestra, Lakecia Benjamin, Suzanne Vega, John Hiatt Solo, Luka Bloom …
A Schwede gebuer, seng Eltere kommen aus Argentinien: de Singer-Songwriter José González war am Fong amgaang Biochemiker ze ginn. Säin Debutalbum "Veneer" hat allerdéngs esou e Succès, datt e Wiessel an der Beruffswiel onëmgänglech war.
Den Trio LYR erfuerscht d’Hannerland vum ambient Post-Rock. De Spoken Word ass dee vum englesche Poet Simon Armitage, eng Decouverte.
Playlist:
01. Hempress Sativa Feat. Junior Murvin - No Retreat
02. Jembaa Groove, K.O.G - Sweet My Ear
03. Lamisi - Come
04. Nsikak David, Mádé Kuti - Madrid
05. Mohammad Reza Mortazavi - Zendegi
06. Gorillaz, Tony Allen - The Hardest Thing
07. Kameel - Variomatic
08. José González - This is how we walk on the moon
09. Africa Express Feat. Onipa, Jupiter and Okwess, Otim Alpha, Damon Albarn, Joan as Policewoman - Invocation
10. LYR - Guernica Jigsaw
11. Kankawa Nagarra - Cunning Basy Blues
12. Kankawa Nagarra - Butterfly Song
13. Kankawa Nagarra - Dollar Sign
14. Lemoncello - Meet Me Half Way
15. K.O.G, The Zongo Brigade - Suro Nipa