One World

Mat "The Architecture of Oppression Part 1" verëffentlecht den Jake Ferguson säin Debut als Bandleader an Arrangeur mat der Formatioun The Brkn Record.
The Dead South ass eng kanadesch Folk-Bluegrass-Band, déi bekannte Lidder revisitéiert.
Dead Combo ass am haarde Kär en Duo mam Tó Trips et Pedro Gonçalves. Musikalesch héiere mer hei en excellente Melange vu Fado, Cabaret, Jazz, Latino a Spaghetti Western Kläng.
De Fado begéint d'Energie vum Rock op der Misia hirem Album "Pura Vida", en Disk, deen d'Léift awer och d'Ecken an d'Kante vum Liewen erklénge léisst. A wat fir eng Stëmm!!
Haut duerch d'Géigend vagabundéieren ass scho bal eng Saach vun der Onméiglechkeet. Musikalesch Postkaarten aus de véier Ecke vum Planéit ginn et der awer nach. Den Album "Vagabond" vum schweedeschen Jazz-Gittarist Ulf Wakenius léisst Influenzen aus der Bretagne, Südamerika, dem Orient bis zu den archaesche Gesäng vun den Native Americans erkléngen.
Erika Stucky, déi Schwäizer Amerikanerin huet verschidde kënschtleresch Identitéiten: Performerin, Sängerin a Multi-Instrumentalistin.
Ganz engagéiert géint de Rassismus a géint all Form vun Ënnerdréckung ass nieft dem Jake Ferguson vun The Brkn Record och de Schott Joseph Malik. "Science Fiction turns into Science Facts" gëtt hei gesongen, et geet ëm "Government control and more authoritarian leadership".
Dem Pianist Noah Vanden Abeele säin Album "Universe" ass en Disk, dee beaflosst ass vu sengem klasseschen Training um Bréisseler Conservatoire. Hie kënnegt en neien Album fir dëst Joer un. "Horizon" ass dësen iwwerschriwwen an e kënnegt méi Influenze vum Pianist un.
Den argentinesche Gittarist Ignacio Maria Gomez ass schonn ëmmer gäre gereest. Eng vu sengen Etappe war Paräis 2016. Do begéint hien de Vincent Ségal, deen him ë. a de Ballaké Sissoko virstellt. De Fil en Aiguille füge sech lues a lues d'Elementer vu sengem Debutalbum "Belesia" zesummen.
Urban Village ass den Alias vu véier experimentelle Museker vu Soweto. Hiren Debut "Udondolo" koum virun engem Joer eraus.
De mysteriéise Kollektiv Sault a säin hypnoteschen "Wildfires", vum Album "Untitled (Black Is)" huet och de Rassismus am Viséier. Et geet ëm d'Schwaarzsi vun der Rebellioun bis zur Resilienz.


Playlist:


The Brkn Record - Break the Chains - The Architecture of Oppression, Pt. 1
The Dead South - People Are Strange - Easy Listening for Jerks, Pt. 2
Dead Combo - Lisboa Mulata (feat. Tó Trips & Pedro Goncalves) - Lisboa Mulata (feat. Pedro Goncalves & Tó Trips)
Danças Ocultas - Dança d'Alba (feat. Rodrigo Leao) - Amplitude
Misia - Ausência - Pura Vida (Banda Sonora)
Ulf Wakenius, Vincent Peirani & Lars Danielsson - Witchi-Tai-To - Vagabond
Flow Job - I Wanna Squeeze You - Lieder Aus Den Bergen
Erika Stucky - Afro Blue (Live) - Stucky Live
Joseph Malik - Days of Future Past - Diverse, Pt. 3
Noah Vanden Abeele - Secret - Universe
Ignacio Maria Gomez - Tchen Dorò - Belesia
Urban Village - Ubusuku - Udondolo
Sault - Wildfires - Untitled (Black Is)
LaBulKrack - Grand voile - Cumbia Bamako

Episoden