Beim japanesche Pianist Koki Nakano geet et ëm d'Gefill vun der Ambiguitéit an der Sich no Harmonie op sengem Album "Oceanic Feeling".
Den italieenesche Batteur Simone Prattico geet kreativ Kollaboratiounen an, notamment mam Paolo Fresu oder Piers Faccini.
Reflexiounen iwwer de Fridden héiere mir vum franséischen Jazz-Museker Guillaume Perret.
E Gefill, dat net auszehalen ass, an dofir ass et besser sech dout ze stellen, fir datt et eriwwergoe kann, dorëms geet et bei "I Play Dead".
Wann eng Musek eng Faarf huet, da lauschtere mir hei Reflexiounen zu Lila vum Titi Robin, eng Faarf mat méi Bedeitungen, notamment der Harmonie tëschent Bescheidenheet a Muecht.
Heiansdo ginn et méi Froe wéi Äntwerten, esou ass et bei der Leyla McCalla hirem Album "Breaking the Thermometer": wéi gesäit Demokratie aus, wiem déngt se a wéi laang ass se oprecht ze erhalen? Eegekompositioune verbonne mat Archivmaterial vu Radio Haiti huelen eis hei mat an déi beweegte Geschicht vum Land a sengem Vollek.
Eng beweegten Aktualitéit erliewen och d'Mënschen an Tunesien an ëmmer erëm geet et ëm Muecht. Ëm Fridden a Positivitéit awer geet et der tuneesescher Formatioun Ÿuma um Album "Hannet Lekloub".
Kläng iwwer d'Metamorphosen vum Vide héiere mir vum Chapelier Fou, iwwer d'Zerstéierung, déi en Hurrikan mat sech bréngt, dat ass d'Theema beim Kronos Quartett zesumme mat der Laurie Anderson oder Kläng iwwer den atlanteschen Ozean, dee Kuba vum Senegal trennt, a wou dës Distanz awer méi kleng gëtt, well Mënschen déi selwecht Connectioun mat hire Virfaren deelen, wéi den Omar Sosa a Seckou Keita.
Léift ass dat zentral Theema an deene meeschte Museken. Et kann een och engem Instrument seng Léift erklären, sou wéi de Ballaké Sissoko senger Kora.
Gewieft mat de Fiedem vun destabiliséierenden Erfarungen an awer och
den Opportunitéiten, déi sech dorausser erginn, huet déi franséisch Sängerin Marion Rampal hiren Album "Tissé".
"Mariposa", dat si Päiperleken a mat dëser Liichtegkeet vum Quartett Yodi wënscht d'Cynthia Hornick schéi Feierdeeg!
Playlist:
Koki Nakano - External Cephalic Version - Oceanic Feeling
Simone Prattico & Paolo Fresu - Word of Mouth/Single
Guillaume Perret - Peace - A Certain Trip
Jacqui Dankworth & Brodsky Quartet - Play Dead (Arr. for Voice & String Quartet) - Rocking Horse Road
Titi Robin - Lila - Ces vagues que l'amour soulève
Simone Prattico - Luna Nera - Luna Nera
Leyla McCalla - Ekzile - Breaking the Thermometer
Ÿuma - Denia Dour - HANNET LEKLOUB
Chapelier Fou - Les métamorphoses du vide (Ensemb7e Version)
Kronos Quartet & Laurie Anderson - Our Street Is a Black River - Landfall
Omar Sosa & Seckou Keita - Voices on the Sea - Suba
Ballaké Sissoko - Djourou (feat. Sona Jobarteh) - Djourou
François Poitou - Layem (feat. Emel Mathlouthi) - Le sec et la lune
Marion Rampal - Passe-Montagne - Tissé
Yodi - Mariposa - Mariposa - Single
Bachar Mar-Khalifé - Lira - On / Off