D’Original vun “Shakin' All Over" vun Johnny Kidd and the Pirates ass en Titel, deen 1960 op Plaz 1 an den englesche Single Charts war. Schléit op d’Hëften, garantéiert!
D’Léift ass dat wuel meescht gesongent Theema am Rock-Pop. "Love is Cruel" fënnt de Miles Kane. Den Titel ass ze fannen op "Sunlight in the Shadows", de 6. Studioalbum vum Englänner.
"Smiling Faces Sometimes" staamt aus der Fieder vum Norman Whitfield a Barrett Strong, geschriwwe fir de Motown Label an original opgeholl gi vu The Temptations 1971. Mir lauschteren awer eng bekannte Coverversioun um Album "Ma" vu Rare Earth, aus dem Joer 1973.
“Cosmic Dancer“ vum Album “Electric Warrior“ aus dem Joer 1971 ass e Lidd, bei deem de Marc Bolan déi hinduistesch Gottheet Shiva als Symbol fir d’Zesummespill vu Liewen an Doud beschreift.
Den Angelo Daniele Badalamenti war en amerikanesche Komponist mat italieeneschen Originnen. Hie gouf virun allem bekannt als Filmkomponist a senger laanger Zesummenaarbecht mam Regisseur David Lynch.
Dem Jimi Hendrix säin "If 6 Was 9" gouf vill gecovered. Eng faméis Interpretatioun ass déi vun Axiom Funk mam Bootsy Collins um Bass. Eng kleng Pärel, déi ze fannen ass um Soundtrack vum Bernardo Bertolucci sengem Film "Stealing Beauty".
Pathos, deen a Stil ëmgewandelt gëtt, dat ass eng Konscht! Esou gëtt déi éischt Ep vu Jaguare Affair beschriwwen. Hei begéine mir den Édouard Choupay a säi prezise, wéi verspillte Songwriting, deen absolut keng Pose anhuele wëllt, mee den Equiliber sicht tëschent Déift a Liichtegkeet, tëschent deem, wat ee lieft a wat een doraus mécht.
Den Avishai Cohen ass ee vun den innovatiivste Bassisten a Komponiste vun haut. Um Album "Gently Disturbed" héiere mir 9 original Kompositiounen, geschriwwe vum Cohen selwer oder vu sengem Trio.
Playlist:
01. Johnny The Kidd and the Pirates - Shakin’ All Over
02. Miles Kane - Love Is Cruel - Sunlight In The Shadows
03. T. Rex - Cosmic Dancer - Electric Warrior
04. Rare Earth - Smiling Faces Sometime - Anthology (The Best Of Rare Earth)
05. Takeshi Terauchi - Hoshi Eno Tabiji (Journey To The Stars) [feat. Blue Jeans] - Nippon Guitars
06. Calexico - El Mirador - El Mirador
07. Giant Sand - Pitch & Sway - Provisions
08. Angelo Badalamenti - Dance of the Dream Man - Twin Peaks (Soundtrack From)
09. Tim Booth & Angelo Badalamenti - Dance of the Bad Angels - Booth and the Bad Angel
10. Axiom Funk - If 6 Was 9 - Soundtrack Stealing Beauty
11. Jaguare Affair - Comment lui dire - Comment lui dire - Single
12. Arthur H - La route - LA VIE
13. Avishai Cohen - Eleven Wives - Gently Disturbed