One World
One Step forward, two Steps backward
56 min
"Square" ass dee siwenten Album vum franséisch-engleschen Reggae Museker Flox, en Disk vun deem gesot gëtt, et wier de perfekte Soundtrack fir de Summer.
Den englesche Produzent Adrian Sherwood huet de legendäre Roots-Sänger Horace Andy derbäi ënnerstëtzt, ee vu senge beschten Disken anzespillen: "Midnight Rocker".
"War Ina Babylon" vum Max Romeo & The Upsetters ass eng Kultplack aus der Karibik aus dem Joer 1976. Knapp 14 Joer no der Onofhängegkeet. An der jonker Demokratie Jamaika si grad Walen, wéi dësen Disk erauskoum. D'Stëmmung ass eskaléiert, an d'Mënschen hu sech d'Käpp ageschloen ... "One Step forward, 2 Steps backwards"...
Decouverte vun dëser Woch ass den Album "Alive" vum Olivier Mellano & Mona Soyoc. Zwee fräi Geeschter hu sech hei zesummefonnt, eng Renconter tëschent der Stëmm an de Wierder vun der Mona Soyoc an den Texturen a Melodië vum Olivier Mellano.
Zanter 2017 war et roueg ëm de Schwed Jay-Jay Johanson. "Rorschach Test" ass den Album iwwerschriwwen, deen 2021 erauskoum, en Titel an Éiere vun dësem Test, dee jo Opschloss op d'Perséinlechkeet soll ginn.
D'Harfistin Tasha Smith Godinez, déi zu San Diego d'Harp Academy leet, huet elo eng éischt Sammlung mat hire Kompositioune verëffentlecht: "Out of the Desert".
One World mat hei och dem Neil Young sengem Album "On The Beach" aus dem Joer 1974. Et war säi fënnefte Studio-Album, deen iwwregens eréischt 2003 op CD erschéngen ass. Hei héiere mir den Neil Young iwwer säi Succès nodenken: "I need a crowd of people, sengt hien, "but I don't need them every day!
Playlist:
Flox - In The Shade - Square
Horace Andy - Easy Money - Midnight Rocker
Massive Attack - Safe from Harm - Blue Lines (2012 Mix / Master)
Max Romeo & The Upsetters - Norman - War Ina Babylon (Expanded Edition)
Olivier Mellano & Mona Soyoc - Come In The Winter - Alive
Jay-Jay Johanson - When Life Has Lost Its Meaning - Rorschach Test
Jay-Jay Johanson - Cheetah - Rorschach Test
Jay-Jay Johanson - Andy Warhol's Blood for Dracula - Rorschach Test
Tasha Smith Godinez - Mulatta (feat. Christopher Garcia & Domenico Hueso) - Out of the Desert
Neil Young - On the Beach - On the Beach
Simone Prattico & Paolo Fresu - Word of Mouth - Word of Mouth - Single