Radioen

On air

Resonanzen  |  Georges Bizet - L'amour est un oiseau rebelle WD 31 / Act 1 aus 'Carmen' (Oper) - Elïna Garanca (Gesang), Orchestre Sinfonica Nazionale Della RAI, Karel Mark Chichon (Dir.)

play_arrow Live
arrow_back_ios

De Sample vun der Woch

100komma7.lu / De Sample vun der Woch

/ Art of Noise - Moments In Love

Art of Noise - Moments In Love

headphones

10 min

Lauschteren play_arrow
on the headlines

1983 huet Art of Noise "Moments In Love" erausbruecht. Art of Noise ass eng englesch experimentell Grupp. Si si bekannt fir hir Sound-Collage-Techniken an hir avantgardistesch Approche dozou. Si si Pionéier an der Art Sampling mat traditionellem Songwriting ze vermëschen, dat Ganzt e lëschtege Pot-pourri. Hir Musek ass eng Fusioun vu ville Genrë wéi Hip-Hop, Rock, Jazz, R&B, traditionellem Pop an diverse Sounds. Si gläichen anere Kënschtler wéi Malcolm McLaren oder Jean-Michel Jarre zu där Zäit, mee mat enger méi rockeger Approche. Si sinn am Ufank meeschtens anonym mat Masken opgetrueden, si wollten d'Musek an den Vierdergrond setzen. D'Häerzstéck vun hirer Grupp war deen deemools ganz neie Fairlight Music Computer. Op hirer éischter EP "Into Battle With The Art Of Noise" setze si de Grondsteen fir vill aner Genren, déi eréischt méi spéit wäerten optauchen, natierlech Hip-Hop, mee och industriell Musek, Techno, oder souguer Breakbeat. Hire bekanntste Moment ass warscheinlech "Moments In Love". Et ass eng zéng Minutte sensuell instrumental Pop Ballade. Déi puer éischt Sekonne vun dësem easylistening Pop Song goufe laut Google 137 Mol gesampelt. All Genre huet dës Musek gesampelt, hei véier Beispiller vu Rap, Techno, Grime a souguer Screwed and Chopped.

Den DJ Screw huet säin "Tell Me Something Good" aus dësem Sample gemaach. Hien ass den Erfinder vum Screwed and Chopped Mix-Style, andeems et dorëms geet Lidder plus ou moins 30 Prozent méi lues ze spillen, wärend ee verschidde Scratch- a Mixtechnicken uwent fir d'Musek ze dekonstruéieren. Hien huet Honnerte vu Mixtapes ënner deem Konzept produzéiert. Et geet hei ëm eng gemixte Kompilatioun vum DJ Screw, déi "Bigtyme Vol II All Screwed Up" heescht. Et ass ee vu senge populäerste Mixtapen, an dëst Lidd ganz besonnesch: "Tell Me Something Good". Hie remixéiert hei en Originallidd vun UGK a benotzt dofir den Art Of Noize Sample, natierlech ganz erofgepitcht.

De Produzent Salaam Remi huet de Sample och benotzt, an zwar fir dem Biz Markie säi "Studda Step" ze produzéieren. Biz Markie ass ee vun den inventiivste Rapper aus der golden-age Hip-Hop Era, dat heescht vun Enn den 80er bis Ufank d'90er. Hien ass e witzegen, kreativen, talentéierten MC an Entertainer. Deen doten Titel huet et op keen Album geschafft, dofir ass en hei op senger éischter Best-of Kompilatioun "The Best Of Cold Chillin' Biz Markie", déi am Joer 2000 bei Cold Chillin' Records erauskoum.

En anert Beispill vun der Utilisatioun vum Sample ass d'Lidd vun Dj Godfather & Starski, "Moments", bei Databass Records aus Detroit erauskomm. Databass war ee vun de bescht organiséierte Labele wat Ghettotech an Bootyhouse ugeet. D'Lidd gouf eng Ghettotech Hymne Ufank den 2000er. Den DJ Godfather ass ee vun de Veterane vun dësem Subgenre. Ghettotech ass e bëssen den Nofollger vun der Miami Bass, gemëscht mat Techno Elementer. Dat Ganzt méi séier gespillt, bis zu 160 BPM!

Den DJ Spooky huet och eng Grime Versioun draus gemaach. Spooky ass ee vun de bekanntste Londoner Grime DJs. Hien huet all Méindeg seng Sendung GrimeyMondays beim engleschen Nationalradio. Hie schrauft de Sample op ganzer 70 BPM erof a mëscht en interessante Mix tëschent Grime an Trap.

Musek

Episoden

Soft Machine - Drop

Soft Machine - Drop

Soft Machine ass eng englesch Band vun 1966. Hire Sound geet vu progressivem Rock bis Jazz Fusion. 1972 kënnt hire fënneften Album eraus mam Titel "5".
headphones

11 min

play_arrow
Brick - Dazz

Brick - Dazz

"Good High" ass deen éischten Album vun der Grupp Brick, 1976 bei Bang Records erauskomm.
headphones

9 min

play_arrow
Bernard Wright - Who Do you Love

Bernard Wright - Who Do you Love

Den Bernard Wright bréngt 1985 dëst wonnerbaart Lidd eraus um Album "Mr. Wright". Hien huet viru senger Solokarriär mat Leit wéi Miles Davis oder Cameo opgeholl.
headphones

9 min

play_arrow
Al Green - Let's Stay Together

Al Green - Let's Stay Together

Den Al Green huet seng Gesangskarriär am Alter vun néng Joer ugefaangen als Member vun der Gospelgrupp vu sengem Papp, de Green Brothers.
headphones

7 min

play_arrow
The O'Jays - For the Love of Money

The O'Jays - For the Love of Money

Déi amerikanesch R'n'B Grupp aus Ohio bréngt d'Lidd 1974 eraus.
headphones

12 min

play_arrow
Taana Gardner - Heartbeat

Taana Gardner - Heartbeat

1981 erauskomm an eng vun deene beschte Pop-Single vun den 80er Joren
headphones

7 min

play_arrow
David Axelrod - The Sign

David Axelrod - The Sign

Den David Axelrod kënnt vu Los Angeles a gouf dacks gesampelt. Hie war eigentlech Soundtechniker an huet vill Gruppen opgeholl.
headphones

7 min

play_arrow
Mulatu Astatke - Kasalefkut-Hulu

Mulatu Astatke - Kasalefkut-Hulu

De Mulatu Astatke ass e bunnbriechende Museker, deen 1945 an Äthiopie gebuer gouf.
headphones

6 min

play_arrow
Joe Tex - Papa Was Too

Joe Tex - Papa Was Too

De Joe Tex war en amerikaneschen Sänger, deen e puer vun de gréisste Soulhits geschriwwen huet.
headphones

5 min

play_arrow
Tom Tom Club - Genious of Love

Tom Tom Club - Genious of Love

Déi zweet Maxi vum éischten Album vun Tom Tom Club koum 1981 eraus. Den Album huet och "Tom Tom Club" geheescht an ass eng puer Goldgrouf u Samplen.
headphones

10 min

play_arrow
Meena Kapoor - Chandhi Ka Badan

Meena Kapoor - Chandhi Ka Badan

1963 kënnt den historeschen Hindi Film "Taj Mahal" mam Lidd "Chandhi Ka Badan" eraus, ausserhalb vun Indie gréisstendeels onbekannt, mee als Bollywood Musical e grousse Succès.
headphones

37 min

play_arrow
Dennis Edwards & Siedah Garrett - Don't Look Any Further

Dennis Edwards & Siedah Garrett - Don't Look Any Further

Dem Soul an R&B Sänger säi gréissten Hit (1984) als Solo-Artist
headphones

9 min

play_arrow
Al Green - I'm Glad You're Mine

Al Green - I'm Glad You're Mine

Ee vun den bekanntsten Drum Loops aus dem Hip-Hop, 1972 erauskomm, staamt vum Al Green, Soul- an Gospel Sänger.
headphones

8 min

play_arrow
The Winstons - Amen, Brother

The Winstons - Amen, Brother

Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
headphones

4 min

play_arrow
Lyn Collins - Think (About It)

Lyn Collins - Think (About It)

Ee vun den zwee bekanntsten Drumbreaks, déi jee gesampelt gouf, heescht "Think-Break".
headphones

8 min

play_arrow
Kalyanji Anandji - Dharmatma Theme Music

Kalyanji Anandji - Dharmatma Theme Music

Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
headphones

8 min

play_arrow
The Ambassadors - Ain't Got The Love

The Ambassadors - Ain't Got The Love

The Ambassadors waren eng Grupp vun den Enn 60er, déi representativ fir de Philly Soul Sound waren.
headphones

6 min

play_arrow
Roy Ayers - The Memory

Roy Ayers - The Memory

De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
headphones

8 min

play_arrow
Incredible Bongo Band - Apache

Incredible Bongo Band - Apache

Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
headphones

9 min

play_arrow
Donald Byrd - Wind Parade

Donald Byrd - Wind Parade

Den Donald Byrd gouf als ee vun de beschten Trompettisten vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note.
headphones

10 min

play_arrow