De Sample vun der Woch
Incredible Bongo Band - Apache
9 min
Mir schwätzen iwwer ee vun den bekanntste Breaks vun allen Zäiten. Niewen dem Think-Break an dem Amen-Break ass den Apache-Break eng vun den beléiftste Perkussiounen am Hip-Hop. E gouf bal 1.000 Mol gesampelt. Ursprénglech war "Apache" e Lidd aus de 50er Joren, gespillt vun de Shadows, mee d'Incredible Bongo Band huet et 1973 op hirem Album "Bongo Rock" gecovered. D'Incredible Bongo Band war en Nieweprojet vum Studiomuseker a Bongo-Spiller Michael Viner. Hien huet mat senger Coverband ongebrauchte Studiozäit benotzt fir Perkussiouns-schwéier Instrumentaler a Pop-Covere mat afrikaneschen a latin Aflëss opzehuelen. Dem Viner seng funky Versioun vun de Shadows hirem Hit "Apache" ass zu engem vun den éischten Hip-Hop-Breakbeats ginn. Effektiv hunn déi éischt Generatioun Hip-Hop-DJs, wéi zum Beispill Kool Herc a Grandmaster Flash, dem Viner sengem Perkussiounsbreak vertraut fir d'Leit an de Blockparties un d'Danzen ze kréien. Si hunn dee klengen Deel, wou all d'Instrumenter aussetzen, ausser d'Drums, mat zwee Exemplare vun der Plack esou laang widderholl, bis datt d'Dänzer mat hire Moves um Dancefloor fäerdeg waren. D'original Lidd "Apache" hat a sech kee kommerzielle Succès, mee huet awer als Basis fir etlech aner Lidder a Genrë bäigedroen.
1981 koum dann offiziell dat éischt Lidd mam Apache-Break eraus, an zwar de Sugarhill Gang hiren Hit "Apache". Dat war op hirem Album "8th Wonder" a war quasi e Cover vum Viner senger Versioun. Et war esou e grousse Succès, datt et quasi en Overkill gouf a gouf eng ganz Zäit am Hip-Hop net méi benotzt.
Dofir gouf et awer zéng Joer méi spéit eng richteg Traditioun am Drum and Bass dëse Break ze samplen. Goldie huet säin "Timeless" um Label Metalheadz domat erausbruecht. De Sample ass esou zerschnëppelt, datt een et als éischt net erëmerkennt, mee no enger Zäit stiechen dem Viner seng Bongoen awer eendeiteg eraus.
Quasi nach zéng Joer spéit huet sech Hip-Hop nees mam Apache-Break versönt, an de Salaam Remi sampelt en hei op eng ganz ongewéinlech Aart an Weis: hie pitcht en erof a verlängert déi lescht Gittaren-Nout fir dem Nas säin ultra bekannte "Made you Look" doraus ze maachen.
Mee och an der elektronescher Zeen ass den Apache-Break vun Zäit zu Zäit ze héieren: de Switch mécht 2005 säin "A Bit Patchy" doraus. Säi "Fidget House Track" koum um Label Dubsided eraus a gëtt dem Original en neien Touch. Fir méi Informatiounen iwwer den Apache-Break kënnt Dir de Film "Sample This" op Netflix kucken.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
