De Sample vun der Woch
Donald Byrd - Wind Parade
10 min
Den Donald Byrd gouf als ee vun de beschten Trompettiste vu senger Zäit ugesinn. Vu Mëtt de 50er bis Mëtt 60er huet hie vill opgeholl, meeschtens fir Blue Note. Enn vun de 60er Jore war de Byrd faszinéiert vum Miles Davis senger Fusiounbeweegung an huet ugefaangen an déi Richtung opzehuelen. An de fréie 70er huet hien eng méi liicht a kommerziell Versioun vum Fusion-Sound perfektionéiert, déi sech vum Davis duerch soulesch Aflëss ënnerscheet huet. D'Meenungen iwwer dës Phas vum Byrd senger Karriär divergéiere komplett: Jazzpuristen hunn dem Byrd dat ni verzie sech un aner Genrë probéiert zu hunn, wärend Jazz-Funk-Fans seng Aarbecht als ee vun den innovatiivsten an dauerhaftste Versich vu senger Aart gesinn. Tatsächlech, proportional geschwat, gouf de Byrd vun deem Publikum nach méi héich geschätzt wéi vu strikten Jazzfans.
Den Donaldson Toussaint gouf den 9. Dezember 1932 zu Detroit, Michigan, gebuer. Säi Papp war Amateurmuseker, an de Byrd war schonn en erfollegräichen Trompettist, wéi hien de Lycée ofgeschloss huet. Hien huet wärend senger Zäit an der AirForce an enger Militärband gespillt an huet duerno säi Bachelor an der Musek op der Wayne State University ofgeschloss. Hien ass 1955 fir säi Master an der Manhattan School of Music op New York geplënnert. Nodeems hien an esou Gruppe wéi Jazz Messengers war, huet hie weiderhi mat Leit wéi John Coltrane gespillt an dorops hin den Jazz Lab Quintet gegrënnt. Kuerz drop ënnerschreift hie bei Blue Note a bréngt eng ganz Rei historesch Jazzplacke bei hinnen eraus. Hie war mëttlerweil och vollzäit Museksproff an huet ugefaangen afrikanesch Musek ze studéieren. Hien huet sech fir de Miles Davis interesséiert an deem seng Efforten ee méi jonke Publikum ze begeeschteren, andeems hie mat Elektronik a Funk-Rhythmen experimentéiert huet. Nodeems de Byrd säin Album "Black Byrd" mat de Mizell Bridder opgeholl huet, hat hie mat senger Fusioun aus Jazz an RnB ee vu senge gréisste Succèsen um Label Blue Note. An dëser neier Ära koum dann och deen Album eraus, vun deem d'Lidd "Wind Parade" vum Album "Places and Spaces" ass.
Dëst Lidd gouf fir eng ganz Serie vun Tracks gesampelt, ënner anerem vu Black Moon. Si maache "Buck Em Down" doraus, op hirem éischten Album "Enta da Stage" vun 1993. De Beat ass gemaach vum DJ Evil Dee vun de Beatminerz. Dësen Track huet déi ganz New Yorker Schoul beaflosst.
Op der anerer Küst vun den USA gouf dësen Track awer och erfollegräich gesampelt an zwar vum 2nd II None fir d'Lidd "Let's Get Higher (Feat. DJ Quik)" vun 1994.
Mee d'Lidd huet et och deemools bis a Frankräich gepackt, an zwar mam Sat vun der Fonky Family. Hie mëscht "Kidz" doraus. Dat war op sengem Album "Dans mon monde" vun 2002.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
