De Sample vun der Woch
The Winstons - Amen, Brother
4 min
De Bobby Bieles huet soulaang wéi méiglech probéiert dem Theema aus dem Wee ze goen, mee hie kënnt net méi dolaanscht a muss iwwer den Amen Break schwätzen. Et ass e Monument vum Sampling, dëse Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt. Den Amen Break staamt vum Lidd "Amen, Brother" vun de Winstons, eng amerikanesch 1960er Funk- a Soulmuseksgrupp, vu Washington an den USA. Hir Plack "Color Him Father" gouf iwwer eng Millioun Mol verkaf an huet och 1969 e Grammy Award fir dee beschte Rhythm and Blues Song gewonnen. Den Amen-Break ass bei enger Minutt a 26 Sekonnen ze héieren, en ass 5,2 Sekonnen laang a gespillt vum Gregory C. Coleman. Hie spillt seng Drums absichtlech ganz e bëssen niewen dem Beat, wat sengem Break en enormen funky Touch gëtt. D'Lidd ass bei senger Sortie relativ ënnergaangen, mee et koum 1986 als Deel vun der Kompilatioun "Ultimate Breaks and Beats" nei eraus. Dës Period huet plus ou moins mat der Sortie vun den éischte Sampler iwwertenee gestëmmt an esou koum et dozou, datt onendlech vill Raplidder ugefaangen hunn den Amen-Break als Basis fir hir Lidder ze benotzen. De Break ass original 135BPM séier, mee wann een d'Plack vu 45 op 33 Toure per Minutt erofpitcht, dann ass et déi perfekt Perkussioun fir doriwwer ze rappen.
Eng vun den éischte Gruppen, déi de Sample benotzt hunn, ware Mantronix mat hirem Old School Hit "King of the Beats". Kuerz drop koumen NWA mat hirem Hit "Straight Outta Compton" eraus.
An England gouf den Amen-Break ganz anescht benotzt. Kënschtler aus der Breakbeat-, Hardcore- oder Rave-Zeen hunn de Sample vill méi séier gespillt an esou sinn zum Beispill esou Saache wéi "Firestarter" vun The Prodigy am Joer 1996 entstanen.
De Sample huet och seng Plaz an der Popkultur fonnt, wéi zum Beispill mat der Amy Winehouse an hirem "You Know I'm No Good".
Mee den Héichpunkt vum Amen-Break gouf warscheinlech mat Jungle an Drum and Bass erreecht. Ouni dëse Break hätt dee Museksgenre warscheinlech ganz anescht ausgesinn. Zum Beispill den DJ Zinc a säi "Super Sharp Shooter".
The Winstons hu bis viru Kuerzem net een Euro u Royalties mat hirem Break verdéngt, an den Drummer ass eleng an als Sans-abri gestuerwen. 2006 gouf op Internet e Crowdfunding gestart fir de Memberen dat auszebezuelen, wat hinnen zousteet. Si hu warscheinlech iwwer 20.000 Dollar kritt a si mëttlerweil och an der North Carolina Music Hall of Fame ze gesinn.
Episoden
Samuel Jonathan Johnson - My Music
Den Johnson huet mat 14 Joer ugefaangen Uergel ze spillen a gouf séier bekannt als ee vun de beschten Uergelspiller an den New Yorker Kierchen. An der Arméi entdeckt hien den Jazz.
Tom Browne - Funkin' for Jamaica (N.Y.)
De Browne war ursprünglech u klassescher Musek interesséiert, mee huet den Jazz als Student Mëtt vun de 70er op der Uni entdeckt.
A Taste of Honey - Rescue Me
A Taste of Honey war eng amerikaneschen Disco-Soul-Grupp vu Los Angeles, déi 1972 vu Janice-Marie Johnson a Perry Kibble gegrënnt gouf.
One Way - Cutie Pie
One Way war eng amerikanesch R&B a Funk Band, déi an de spéiden 1970er an Ufank den 1980er Jore populär war, dirigéiert vum Al Hudson.
Melissa Morgan - Fool's Paradise
D'Joyce Melissa Morgan, kuerz Meli'sa genannt ass eng amerikanesche R&B a Soul Sängerin a Songwriterin.
Maze - Before I Let Go
Maze, och bekannt als Maze Featuring Frankie Beverly ass eng amerikanesch Soulband, déi vum Frankie Beverly zu Philadelphia am Joer 1970 gegrënnt gouf.
The Brothers Johnson - Tomorrow
The Brothers Johnson waren eng Funk-, Disco- an R'n'B-Band, déi vun 1975 bis 1982 aktiv war.
Quincy Jones - Summer in the City
De Quincy Jones, gebuer de 14. Mäerz 1933, ass en amerikanesche Plackeproduzent, Museker, Songwriter, Komponist, Arrangeur a Film- an Televisiounsproduzent.
Ramsey Lewis - Tambura
Deen amerikaneschen Jazzkomponist, Pianist a bekannte Radio-Moderator, 1935 zu Chicago gebuer, ass leschte September am Alter vu 87 Joer gestuerwen.
DeBarge - I Like It
DeBarge war eng amerikanesch Grupp aus Michigan, déi aus verschiddene Membere vun der DeBarge Famill bestanen huet, aktiv tëschent 1979 an 1989.
Joe Cocker - Woman to Woman
Deen englesche Sänger war fir seng rau a blueseg Stëmm a seng charismatesch live Optrëtter bekannt.
The Main Ingredient - Summer Breeze
Déi amerikanesch Soul a Funk Grupp The Main Ingredient gouf 1964 am Harlem, New York City gegrënnt.
Dynasty - Adventures in the Land of Music
An den 1980er war de Label Solar Records vergläichbar mat Motown a Stax an den 1960er oder Philadelphia International an den 1970er.
Sister Sledge - He's the Greatest Dancer
Sister Sledge ass eng amerikanesch Grupp an besteet aus den Schwësteren Debbie, Joni, Kim a Kathy Sledge.
The Time - 777-9311
De Grupp The Time ass en Niewenprojet vum Prince. All d'Musek an d'Texter si vun him geschriwwen, mee gi vu The Time live op der Bün interpretéiert.
Dionne Warwick - Walk On By
En Dosende Mol gecoverte Pop-Standard
Led Zeppelin - When the Levee Breaks
Gegrënnt 1968, mat 300 Millioune verkaaften Albe ware Led Zeppelin eng vun den erfollegräichste Bands iwwerhaapt.
Art of Noise - Moments In Love
1983 huet déi englesch experimentell Grupp, bekannt fir hir Sound-Collage-Techniken an hir avantgardistesch Approche dozou, dëst Lidd erausbruecht.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
