De Sample vun der Woch
Lyn Collins - Think (About It)
8 min
Ee vun den zwee bekanntsten Drumbreaks, déi jee gesampelt gouf, heescht "Think-Break" an iwwer dee geet hei rieds. Laut Google si mer mëttlerweil bei 3.165 Lidder, déi de "Think-Break" benotzt hunn, an et ginn der all Dag méi. De "Think-Break" gëtt esou genannt, well e vum Lidd "Think (About It)" vun der Lyn Collins staamt. D'Lidd gouf geschriwwen a produzéiert vum James Brown a koum 1972 eraus. D'Collins war scho Sängerin mat 14 Joer an ass mat 20 als Vokalistin an dem James Brown seng Grupp agetrueden. D'Lidd "Think (About It)" ass hiren éischten an eenzege groussen Hit a war op hirem Album mam selwechten Numm. Den Track leeft ongeféier op 115bpm, huet vill verschidde Break-Sektiounen a bitt propper Drums mat energesche Adlibs a propperem Tambourin. Den Drumbreak a sech ass gespillt vum John "Jabo" Starks.
1987 koum "Think (About It)" um 16. Volume vun der Break Compilatioun "Ultimate Breaks & Beats" eraus, eng héich populär Serie ënner Hip-Hop-Produzenten. Kuerz drop koum den "It Takes Two" vum MC Rob Base & DJ EZ Rock eraus, dee bal komplett aus gesampelten Deeler vu "Think (About It)" besteet. E gouf séier e risegen Hit. Dat war den Ufank vum zweete Liewen vun der Collins hirem Lidd. Eleng am Joer 88 gouf d'Lidd iwwer 50 Mol gesampelt an hat sech als Standard Rhythmus hanner deene meeschte Raplidder vun deemools etabléiert. Dat ass gaange vun Heavy D, EPMD, Slick Rick, 2 Live Crew, bis NWA, jiddwereen huet et minimum eemol benotzt. Dance Musek vun de Mëtt 90er huet och eng grouss Roll gespillt, an esou Gruppe wéi 2 Unlimited oder Bomfunk MCs goufe staark vun dësem Break inspiréiert.
Ufank 2000er gouf de Break och e wesentleche Bestanddeel vu verschiddenen neie Genren, wéi zum Beispill Baltimore Club Music, kuerz B-More. Dëst Scottie B Lidd vun 2006 ass hei e gutt Beispill fir déi Renaissance vum Break ze weisen. Hie mixt hei de Break mat House- a Rap-Influenzen a gëtt em esou en neien Twist.
Kuerz drop hunn d'Crookers och de Break fir sech nei entdeckt an 2008 hire Kid Cudi Remix vun "Day 'N Nite" dorop baséiert.
Mee wärend der ganzer Zäit, an där Hip-Hop an Dance dëse Sample benotzt huet, hat de Break parallel genausou vill Succès an der Drum and Bass Zeen, wéi hei zum Beispill mam Netsky sengem "Midnight Express".
Episoden
Soft Machine - Drop
Soft Machine ass eng englesch Band vun 1966. Hire Sound geet vu progressivem Rock bis Jazz Fusion. 1972 kënnt hire fënneften Album eraus mam Titel "5".
Brick - Dazz
"Good High" ass deen éischten Album vun der Grupp Brick, 1976 bei Bang Records erauskomm.
Bernard Wright - Who Do you Love
Den Bernard Wright bréngt 1985 dëst wonnerbaart Lidd eraus um Album "Mr. Wright". Hien huet viru senger Solokarriär mat Leit wéi Miles Davis oder Cameo opgeholl.
Al Green - Let's Stay Together
Den Al Green huet seng Gesangskarriär am Alter vun néng Joer ugefaangen als Member vun der Gospelgrupp vu sengem Papp, de Green Brothers.
The O'Jays - For the Love of Money
Déi amerikanesch R'n'B Grupp aus Ohio bréngt d'Lidd 1974 eraus.
Taana Gardner - Heartbeat
1981 erauskomm an eng vun deene beschte Pop-Single vun den 80er Joren
David Axelrod - The Sign
Den David Axelrod kënnt vu Los Angeles a gouf dacks gesampelt. Hie war eigentlech Soundtechniker an huet vill Gruppen opgeholl.
Mulatu Astatke - Kasalefkut-Hulu
De Mulatu Astatke ass e bunnbriechende Museker, deen 1945 an Äthiopie gebuer gouf.
Joe Tex - Papa Was Too
De Joe Tex war en amerikaneschen Sänger, deen e puer vun de gréisste Soulhits geschriwwen huet.
Tom Tom Club - Genious of Love
Déi zweet Maxi vum éischten Album vun Tom Tom Club koum 1981 eraus. Den Album huet och "Tom Tom Club" geheescht an ass eng puer Goldgrouf u Samplen.
Meena Kapoor - Chandhi Ka Badan
1963 kënnt den historeschen Hindi Film "Taj Mahal" mam Lidd "Chandhi Ka Badan" eraus, ausserhalb vun Indie gréisstendeels onbekannt, mee als Bollywood Musical e grousse Succès.
Dennis Edwards & Siedah Garrett - Don't Look Any Further
Dem Soul an R&B Sänger säi gréissten Hit (1984) als Solo-Artist
Al Green - I'm Glad You're Mine
Ee vun den bekanntsten Drum Loops aus dem Hip-Hop, 1972 erauskomm, staamt vum Al Green, Soul- an Gospel Sänger.
The Winstons - Amen, Brother
Den Amen Break huet ganz Generatioune vu Beatmaker erzunn a gouf iwwer 5.000 Mol wärend de leschten 30 Joer gesampelt.
Lyn Collins - Think (About It)
Ee vun den zwee bekanntsten Drumbreaks, déi jee gesampelt gouf, heescht "Think-Break".
Kalyanji Anandji - Dharmatma Theme Music
Mir sinn nees am Bollywood vun de 70er Joren a schwätzen iwwer d'Musek vum Film "Dharmatma".
The Ambassadors - Ain't Got The Love
The Ambassadors waren eng Grupp vun den Enn 60er, déi representativ fir de Philly Soul Sound waren.
Roy Ayers - The Memory
De Roy Ayers ass ee vun de bekanntste Vibrafonisten zanter den 1960er Joren. Säi Ruff ass dee vun engem Prophéit vum Jazz-Funk an Acid Jazz, e Mann, Jore viru senger Zäit.
Incredible Bongo Band - Apache
Niewent dem Think-Break an dem Amen-Break, ass den Apache-Break eng vun den beléiftste Perkussiounen am Hip-Hop.
